الماتى تۇرعىندارى كوبىنەسە كوروناۆيرۋستى ساۋدا نىساندارى مەن وتباسىلىق شارالاردا، تويلاردا، مەرەيتويلاردا جانە ەسكە الۋ كەشتەرىندە جۇقتىرادى.
بۇل تۋرالى وڭىرلىك كوممۋنيكاسيالار قىزمەتىنىڭ باسپا ءسوز كونفەرەنسياسى بارىسىندا قالانىڭ باس سانيتارلىق دارىگەرى جانداربەك بەكشين مالىمدەدى، دەپ حابارلايدى Almaty-akshamy.kz
«وتباسىلىق شارالاردا جۇقتىرۋدىڭ ءوسۋى - 2،1%، ساۋدا جانە ويىن-ساۋىق ورتالىقتارى مەن ساۋدا ۇيلەرىندە - 1،7%، ازىق-تۇلىك جانە ازىق-تۇلىكتىك ەمەس دۇكەندەردە - 1،2%، سۋپەرماركەتتەر مەن گيپەرماركەتتەردە - 0،2%، قوعامدىق كولىكتەردە - 1،4%-عا، قوعامدىق تاماقتانۋ ورىندارىندا - 1،1%-عا، باسقا ايماقتارعا بارعاندا - 0،6%-عا، ساۋنالاردا، فيتنەس-ورتالىقتاردا - 0،1%»، - دەدى مەگاپوليستىڭ باس سانيتارلىق دارىگەرى.
جانداربەك بەكشين نىسانداردا دا جۇقتىرۋدىڭ ارتقانىن، Ashyq جوباسىنىڭ قاتىسۋشىلارى اراسىندا جۇقتىرۋ 200-دەن 407 ادامعا دەيىن وسكەنىن، ال، بۇل كىرەبەرىستەگى باسقارۋ جۇيەسىنىڭ جەتكىلىكسىز جۇمىس جاساۋى سالدارىنان ەكەنىن ايتتى.
باسپا ءسوز كونفەرەنسياسى كەزىندە سانيتارلىق-ەپيدەميولوگيالىق دەپارتامەنت باسشىسى الماتىداعى ينفەكسيا جۇقتىراتىن نەگىزگى بەس وشاقتى اتادى.ولار: ساۋدا وبەكتىلەرى - 35%، وتباسىلىق بايلانىس - 17،9%، قوعامدىق كولىك - 17،6%، بازارلار - 13%، وتباسىلىق شارالار (تويلاردا، مەرەيتويلاردا، جەرلەۋدە) ينفەكسيا دەڭگەيى 1،4-تەن 3،5%-عا دەيىن كۇرت ءوستى.
جانداربەك بەكشين الماتى تۇرعىندارىن ۇيلەنۋ تويلارى مەن مەرەكەلەردى جاسىرىن وتكىزبەۋگە شاقىردى. مۇنداي شارالاردى ۇيىمداستىرۋ اسىرەسە كەلەتىن قوناقتاردىڭ دەنساۋلىعى ءۇشىن وتە ءقاۋىپتى ەكەنىن ايتتى.
ايتا كەتەرلىگى، مونيتورينگتىك توپ وكىلدەرى جاسىرىن تويلار مەن كەشتەردى قاتاڭ تۇردە توقتاتۋدا. جانداربەك بەكشيننىڭ 9-14 تامىز ارالىعىندا 954 نىساننىڭ تەكسەرىلگەنىن، 124 نىساننىڭ كارانتين شارالارىن بۇزعانىن ايتتى. باس سانيتارلىق دارىگەر قالا تۇرعىندارىنىڭ تويدى كۇندىز، ءتىپتى جەكە ۇيلەردە وتكىزە باستاعانىن دا اتاپ ءوتتى.