الماتىدا كوروناۆيرۋس ينفەكسياسى بويىنشا ەپيدەميولوگيالىق احۋال ۋشىعىپ تۇر. بۇل تۋرالى وڭىرلىك كوممۋنيكاسيالار قىزمەتىنىڭ باسپا ءسوز كونفەرەنسياسى بارىسىندا قالانىڭ باس سانيتارلىق دارىگەرى جانداربەك بەكشين مالىمدەدى دەپ حابارلايدى almaty-akshamy.kz
الماتى قالاسى باس سانيتارلىق دارىگەرى كۇنىنە 1،5 مىڭعا جۋىق كوروناۆيرۋس جۇقتىرعان جاعدايدىڭ تىركەلەتىنىن ايتتى.
«بۇل جاعداي 28 شىلدەدەن باستاپ ساقتالۋدا، 15 تامىزدا 22 800 جاعداي تىركەلدى. تامىزدا 24،3 مىڭ جاعداي، جىل باسىنان بەرى - 105،6 مىڭ جاعداي تىركەلدى»، - دەدى ج. بەكشين.
سانيتارلىق-ەپيدەميولوگيالىق ۆەدومستۆو باسشىسى سوڭعى اپتادا الدىڭعىسىمەن سالىستىرعاندا «سيمپتومدى» ناۋقاستار ۇلەسىنىڭ 93%-دان 94%-عا دەيىن وسكەنىن اتاپ ءوتتى.
ج. بەكشين الماتى تۇرعىندارىن ءقاۋىپتى ينفەكسياعا قارسى بىرىگۋگە شاقىردى.
«مەن الەۋمەتتىك قاشىقتىقتى ساقتاۋعا، ماسكالاردى دۇرىس تعاۋعا جانە ولاردى ءجيى اۋىستىرۋعا جانە ۆاكسينالانۋعا شاقىرامىن»، - دەدى مەگاپوليستىڭ باس سانيتارلىق دارىگەرى.
ايتا كەتەرلىگى، ەۋروپا قالالارىندا ادامدار ۆاكسيانلاردىڭ تاپشىلىعىنان كەزەككە تۇرۋعا ءماجبۇر. ال، الماتىدا ەكپەنى ءتىپتى ساۋدا ورتالىعىنىڭ وزىندە اقىسىز الۋعا بولادى. ءبىراق بۇل مۇمكىندىكتى قالا تۇرعىندارىنىڭ بارلىعى بىردەي پايدالانباي وتىر. سوندىقتان جۇقتىرۋ بۇرىنعىداي 20-39 جاس ارالىعىنداعى الماتىلىقتار اراسىندا - 35،6%، 40-59 جاستاعىلار اراسىندا- 24،2% جانە 60 جاستان اسقاندار اراسىندا - 23%، بارلىق جاعدايلاردىڭ 83%-ىن قۇرايدى.
ج. بەكشين 60 جاستان اسقانداردىڭ جۇقتىرۋ دەڭگەيىنىڭ 1،5%-عا ارتقانى جانە ولاردىڭ اۋىر حالدە جەتكىزىلەتىنى جانە 1 جاسقا دەيىنگى سابيلەردىڭ دە دەرت جۇقتىراتىنى ءوزىن الاڭداتاتىنىن ايتتى.