الماتىداعى Ashyq جوباسىنىڭ ارقاسىندا 28 ءساۋىر مەن 15 تامىز ارالىعىندا قالادا «قىزىل» مارتەبەسى بار 387 تۇرعىنعا ايىپپۇل سالىندى. ولاردىڭ بارلىعى كوروناۆيرۋس جۇقتىرعان جانە وقشاۋلاۋ رەجيمىن بۇزعان. بۇل تۋرالى الماتى قالاسىنىڭ باس سانيتارلىق دارىگەرى جانداربەك بەكشين وڭىرلىك كوممۋنيكاسيالار قىزمەتىنىڭ بريفينگى بارىسىندا ايتتى دەپ حابارلايدى almaty-akshamy.kz
باس سانيتارلىق دارىگەردىڭ ايتۋىنشا، الماتىدا Ashyq جوباسىنا 6486 قاتىسۋشى بار. تاعى 5 541 نىسان ەرىكتى تۇردە قاتىسۋدا. Ashyq كوشباسشىلارى - 105 نىسان. جاۋاپكەرشىلىگى تومەن 362 قاتىسۋشى جوبادان شىعارىلدى.
جانداربەك بەكشين Ashyq بۇزۋشى نىساندار تۋرالى كەڭىنەن ايتتى.
«9-13 تامىز ارالىعىندا مونيتروينگ توپتارى جۇرگىزگەن تەكسەرۋلەر كەزىندە Ashyq جوباسىندا جۇمىس جاسايتىن كاسىپكەرلىكتىڭ 23 سۋبەكتىلەرىنىڭ شەكتەۋلى كارانتيندىك تالاپتاردى بۇزعانى انىقتالدى، بۇل باقىلاۋدىڭ جەتكىلىكسىز ەكەنىن كورسەتەدى»، - دەدى مەگاپوليستىڭ باس دارىگەرى.
الماتىدا 29 شىلدە مەن 5 تامىز ارالىعىندا Ashyq جوباسى بويىنشا جۇمىس ىستەيتىن كاسىپكەرلىك نىسانداردىڭ كىرەبەرىسىندەگى سكانەرلەۋ ناتيجەسىندە 1239 تۇرعىن «قىزىل»، 194 تۇرعىن «سارى» مارتەبەگە يە بولدى.
سونىمەن قاتار، كەلۋشىلەردى وفلاين رەجيمدە سكانەرلەۋ بويىنشا اكىمشىلىك شارالار قولدانىلدى. 9-15 تامىز ارالىعىندا قالادا «قىزىل» مارتەبەسى بار 144 تۇلعاعا ايىپپۇل سالىندى.
28 ءساۋىر مەن 15 ءساۋىر ارالىعىندا الماتى قالاسىندا «قىزىل» مارتەبەسى بار 387 جەكە تۇلعاعا وقشاۋلاۋ رەجيمىن بۇزعانى ءۇشىن 30 اەك مولشەرىندە ايىپپۇل سالىندى.