الماتىنىڭ باس سانيتارلىق دارىگەرى جانداربەك بەكشين جرۆي جانە تۇماۋمەن سىرقاتتانۋ الدەقايدا جوعارى بولعان كەزدە كۇزگى-قىسقى ماۋسىمعا دايىندالۋ ءۇشىن ءقازىر كوروناۆيرۋسقا قارسى ەكپە جاساۋ وتە ماڭىزدى دەپ سانايدى.
وڭىرلىك كوممۋنيكاسيالار قىزمەتىندە بولعان جانداربەك بەكشين قالانىڭ الدىڭعى ىندەتتىڭ ءۇش تولقىنىنان قالاي امان قالعانىن ەسكە سالدى، دەپ حابارلايدى اlmaty-akshamy.kz
سونىمەن قاتار قولدا بار ۆاكسينالاردىڭ اگرەسسيۆتى "دەلتا" شتامىنا قارسى تۇرۋعا ءتيىمدى ەكەنىن ايتتى.
جانداربەك بەكشيننىڭ ايتۋىنشا، 2020 جىلدىڭ ناۋرىز ايىندا العاشقى تولقىن ەپيدەميا «ۋحان» نۇسقاسىنا بايلانىستى كوروناۆيرۋستىڭ العاشقى 82 جاعدايىن تىركەۋدەن باستالدى، وتكەن جىلدىڭ شىلدەسىندە 6 372 جاعدايدى تىركەۋمەن جانە قىركۇيەكتە 165 جاعدايعا دەيىن تومەندەدى.
ەپيدەميانىڭ ەكىنشى، شاعىن تولقىنى 2020 جىلدىڭ قازان ايىندا باستالدى، 366 جاعداي تىركەلدى. 2021 جىلدىڭ قاڭتارىندا ەڭ جوعارى دەڭگەيگە جەتتى – 3607 جاعداي. تومەنگى كورسەتكىش اقپان ايىندا تىركەلدى جانە 2 945 جاعدايدى قۇرادى.
«2021 جىلدىڭ اقپان ايىنىڭ سوڭى مەن ناۋرىز ايىنىڭ باسىنان باستاپ ىندەتتىڭ ءۇشىنشى تولقىنى باستالدى. ول «بريتاندىق» COVID-19 نۇسقاسىنا بايلانىستى بولدى. ءساۋىر ايىندا 19 918 جاعدايمەن باستالىپ، ماۋسىم ايىندا 4 573 جاعدايدى قۇراعان شارىقتاۋ شەگىنە جەتتى»، – دەدى الماتى قالالىق سەبد باسشىسى.
15 ماۋسىمنان باستاپ «ۇندىلىك» COVID-19 نۇسقاسىمەن بايلانىستى ىندەتتىڭ ءتورتىنشى تولقىنى باستالدى. ونىڭ دامۋى ءالى شىڭىنا جەتكەن جوق، ءبىراق الماتى ەپيدەميولوگتارىنىڭ بولجامى بويىنشا، شارىقتاۋ شەگى 3 مەن 4 تامىزعا تۋرا كەلەدى.
الماتى قالاسى قوعامدىق دەنساۋلىق باسقارماسىنىڭ مالىمەتىنشە، قازىرگى كەزدە ينفەكسيالىق ستاسيونارلاردا 4 148 ادام جاتىر، ونىڭ 215ء-ى بالا. رەانيماسيا بولىمشەلەرىندە – 281 ادام، ءوجج اپپاراتىنا 27 ناۋقاس قوسىلعان، ءينۆازيۆتى ەمەس ءوجج-دا – 121، High flow اپپاراتىندا 98 ناۋقاس جاتىر.