الماتى قالاسىندا الەۋمەتتىك ماڭىزى بار ازىق-تۇلىك تاۋارلارىنىڭ باعاسىن تۇراقتاندىرۋ جانە باعانىڭ وسۋىنە جول بەرمەۋ تەتىكتەرىن ىسكە اسىرۋ اياسىندا «الماتى «اكك» اق تاۋار بيرجاسىندا ساۋدا-ساتتىق ناتيجەلەرى بويىنشا 4،5 مىڭ توننا قانت جەتكىزۋگە شارت جاساستى، دەپ حابارلايدى aqshamnews.kz
وتاندىق وندىرىستەگى قانت قالانىڭ ساۋدا جەلىلەرىنە بەلگىلەنگەن ساتۋ باعاسى بويىنشا – كەلىسىنە 380 تەڭگەدەن اسپايتىن باعامەن ساتىلادى. ءوز كەزەگىندە قانت ساتاتىن بولشەك ساۋداگەرلەر ساتۋ باعاسىنا 10%-دان اسپايتىن ۇستەمەاقىنى ساقتايدى. بۇل شارا الماتىداعى قانت باعاسىن 2025 جىلدىڭ قىركۇيەگىنە دەيىن تۇراقتاندىرۋعا مۇمكىندىك بەرەدى.
ءونىم ساتىلاتىن جەرلەردى almatyazyk.kz سايتىنان كورە الاسىزدار.
انىقتاما: 2023 جىلى قاراشادان 2024 جىلى تامىزعا دەيىن «الماتى «اكك» اق قالانىڭ ساۋدا جەلىلەرى ارقىلى بەلگىلەنگەن ساتۋ باعاسى بويىنشا 3 مىڭ توننا كولەمىندە قانت ساتتى، بۇل وسى كەزدە الماتىدا باعانىڭ وسۋىنە جول بەرمەۋگە مۇمكىندىك بەردى.