دجوردجيا شتاتىنداعى وقيعا سالدارىنان بىرنەشە ادام زارداپ شەكتى.
بۇل تۋرالى CNN ارناسىنا شتاتتىڭ تەرگەۋ بيۋروسىنىڭ ديرەكتورى كريس حوۋزي حابارلادى. كۇدىكتى 14 جاستاعى كولت گرەي قاماۋعا الىندى، دەپ حابارلايدى aqshamnews.kz
كريس ءحوۋزيدىڭ ايتۋىنشا، كولت گرەي – وسى مەكتەپتىڭ وقۋشىسى. وعان جاقىن ارادا ادام ءولتىردى دەگەن ايىپ تاعىلماق.
«اپالاچي» مەكتەبىندەگى اتىس 4 قىركۇيەك كۇنى بولدى. ناتيجەسىندە 4 ادام قازا تاپتى (ەكى ءمۇعالىم مەن ەكى وقۋشى)، شامامەن 30 ادام جاراقات الدى.
CNN ارناسى قۇقىق قورعاۋ ورگاندارىنا سىلتەمە جاساي وتىرىپ، اتىس باستالماي تۇرىپ، بەس مەكتەپتە اتىس بولاتىنى تۋرالى ەسكەرتۋ قوڭىراۋى تۇسكەنىن حابارلادى.
سول حابارلامادا «اپالاچي» ءبىرىنشى بولاتىنى ايتىلعان. باسقا وقۋ ورىندارىندا اتىس تۋرالى مالىمەتتەر كەلىپ تۇسپەگەن.