وسى يگى ىستەر اعىمداعى جىلى اتقارىلدى
رەسپۋبليكامىزدا 10 مىڭ شاقىرىم جولدا قۇرىلىس جانە جوندەۋ جۇمىستارى جۇرگىزىلدى، دەپ حابارلايدى Almaty-akshamy.kz
بۇل جونىندە يندۋستريا جانە ينفراقۇرىلىمدىق دامۋ مينيسترلىگى اۆتوجول جوبالارىن ىسكە اسىرۋ قورىتىندىسىندا ايتىلدى.
«رەسپۋبليكالىق جانە جەرگىلىكتى ماڭىزى بار اۆتوجولداردىڭ 10 مىڭ شاقىرىمى قۇرىلىس، رەكونسترۋكسيا جانە جوندەۋ جۇمىستارىمەن قامتىلدى.
ونىڭ 3،6 مىڭى رەسپۋبليكالىق ماڭىزى بار جولدار:
- تالدىقورعان - وسكەمەن
- قاراعاندى – بالقاش – بۋرىلبايتال – كۇرتى - قاپشاعاي
- اقتوبە – اتىراۋ - استراحان
- قالباتاۋ - مايقاپشاعاي
- ءۇشارال - دوستىق
- ۇزىناعاش - وتار
- مەركى - بۋرىلبايتال
- قوستاناي – دەنيسوۆكا»، - دەلىنگەن حابارلامادا.
مينيسترلىكتىڭ مالىمەتىنشە، قۇرىلىس ماۋسىمىندا جولدارداعى جوبالارعا 200 مىڭداي ادام جانە 12 مىڭعا تارتا جول-قۇرىلىس تەحنيكاسى جۇمىلدىرىلعان.
«جىل قورىتىندىسىندا جولداردىڭ ساپاسىن ارتتىرا وتىرىپ، I جانە II ساناتتاعى 2248 شاقىرىم اۆتوجول پايدالانۋعا بەرىلدى. جاقىن ماڭداعى 120 ەلدى مەكەندى قامتىعان سەنىمدى كولىك قاتىناسى قامتاماسىز ەتىلدى. ءىرى ەلدى مەكەندەر جانىندا 6 اينالما جول سالىنىپ، كولىك جانە ترانزيتتىك تاسىمالدار كولەمى 2،5 ەسە ارتتى. بۇل رەتتە جول قۇرىلىسىنداعى قازاقستاندىق قامتۋ 90%-دان استى»، - دەلىنگەن حابارلامادا.
جول بويىنداعى سەرۆيستى دامىتۋ ءۇشىن ءتيىستى قىزمەتتەردى تولىق قامتيتىن 71 كەشەن ىسكە قوسىلدى. ولار: كەمپينگتەر، موتەلدەر، جانارماي قۇيۋ ستانسالارى، تەحنيكالىق قىزمەت كورسەتۋ ستانسالارى، تاماقتاناتىن جانە ساۋدا ورىندارى جانە ت.ب.