جولاۋشىلار پويىزى 3 مينۋتقا توقتاتىلدى
– «ماڭعىستاۋ-الماتى» جولاۋشىلار پويىزىنىڭ ءماشينيسى تەمىرجول بويىندا ەلەكترلى ساموكات مىنگەن ەر ادامنىڭ بولۋىنا بايلانىستى قۇرامدى شۇعىل تۇردە توقتاتقان، دەپ حابارلايدى Almaty-akshamy.kz.
كولىكتەگى پوليسيا دەپارتامەنتىنىڭ مالىمەتىنشە، 15 مامىر ساعات 15:44-تە ەر ادام الماتى-1 جانە الماتى-2 ستانسيالارى اراسىندا تەمىرجولدى بەلگىلەنبەگەن جەردەن كەسىپ وتپەك بولعان.
«جولاۋشىلار پويىزى 3 مينۋتقا توقتاتىلدى. قازىرگى ۋاقىتتا قۇقىق بۇزۋشىنىڭ جەكە باسىن انىقتاۋ بويىنشا جەدەل ىزدەستىرۋ ءىس-شارالارى جۇرگىزىلىپ جاتىر»، - دەپ حابارلادى كولىكتەگى پوليسيا دەپارتامەنتىنىڭ باسپا ءسوز قىزمەتى.
وقيعانىڭ ۆيدەوسى الەۋمەتتىك جەلىدە تارالدى. وندا تەمىرجولدىڭ بويىندا جالعا العان ەلەكترلى ساموكاتى بار ەر ادامنىڭ ماشينيستپەن داۋلاسىپ تۇرعانىن كورۋگە بولادى.