بۇزاقىلار 10 تاۋلىككە قامالدى.
الماتىدا ساموكات مىنگەن تىر جالاڭاش جۇپ قاماۋعا الىندى، دەپ حابارلايدى Almaty-akshamy.kz Polisia.kz-كە سىلتەمە جاساپ.
جەرگىلىكتى پوليسيا قىزمەتىنىڭ حابارلاۋىنشا، الماتى قالاسىنىڭ مامانداندىرىلعان اۋدانارالىق اكىمشىلىك سوتىندا الماتى جولدارىندا جالاڭاش كۇيىندە ساموكات مىنگەن 25 جاستاعى م.ەسىمدى ازاماتشا مەن 29 جاستاعى گ.ەسىمدى ازاماتقا قاتىستى سوت وتىرىسى ءوتتى.
«قۇقىق بۇزۋشىلاردى بوستاندىق اۋداندىق پوليسيا باسقارماسىنىڭ قىزمەتكەرلەرى انىقتادى جانە ۇستادى. ولاردىڭ ادەپسىز ارەكەتتەرى ق ر اقبك-نىڭ 434-بابىمەن (ۇساق بۇزاقىلىق) كۆاليفيكاسيالاندى. ءىستىڭ ماتەريالدارى سوتقا جىبەرىلدى، ونىڭ شەشىمىمەن ءارقايسىسى 10 تاۋلىككە اكىمشىلىك قاماققا الىندى»، – دەدى الماتى قالالىق پد جەرگىلىكتى پوليسيا قىزمەتى باسقارماسىنىڭ باستىعى ەرجان ۇزابايەۆ.