الماتى قالاسىنىڭ وڭىرلىك كوممۋنيكاسيالار قىزمەتىنىڭ بريفينگىنە الماتى قالاسى بويىنشا مەملەكەتتىك كىرىستەر دەپارتامەنتىنىڭ ققس اكىمشىلەندىرۋ ءبولىمىنىڭ باسشىسى سەرىك جۇمابەكوۆ قاتىسىپ، سالىقتىق باقىلاۋ مەن تالاپ-ارىز جۇمىسىن جۇرگىزۋدىڭ نىساندارى مەن ادىستەرىن ءتۇسىندىردى.
سالىق كودەكسىنىڭ تۇجىرىمدامالىق بولىگىنە جۇگىنەتىن بولساق، وندا سالىقتىق اكىمشىلەندىرۋ – بۇل سالىقتار مەن بيۋدجەتكە تولەنەتىن تولەمدەردى الۋ ءۇشىن سالىق ورگاندارى مەن باسقا دا ۋاكىلەتتى مەملەكەتتىك ورگاندار جۇزەگە اسىراتىن شارالار مەن ادىستەردىڭ جۇيەسى (جيىنتىعى)، وعان باسقالارمەن قاتار، سالىقتىق باقىلاۋدى جۇزەگە اسىرۋ، ورىندالماعان سالىق مىندەتتەمەلەرىن ماجبۇرلەپ ورىنداتۋ ادىستەرىن قولدانۋ جانە سالىق بەرەشەگىن ءوندىرىپ الۋ شارالارى، سونداي-اق مەملەكەتتىك قىزمەتتەردى كورسەتۋ جانە سالىقتىق اكىمشىلەندىرۋدىڭ باسقا دا نىساندارى كىرەدى، دەپ حابارلايدى Almaty-akshamy.kz.
بۇل رەتتە سالىقتىق اكىمشىلەندىرۋ ءۇش قاعيداتقا نەگىزدەلەدى:
1) زاڭدىلىق؛
2) سالىق تولەۋشى مەن سالىق ورگاندارى اراسىنداعى ءوزارا ءىس-قيمىلدىڭ تيىمدىلىگىن ارتتىرۋ؛
3) تاۋەكەلدەردى باعالاۋعا نەگىزدەلگەن سالىقتىق اكىمشىلەندىرۋدى جۇزەگە اسىرۋ كەزىندەگى سارالانعان ءتاسىل.
«ءوز كەزەگىندە سالىقتىق باقىلاۋ – بۇل سالىق ورگاندارىنا جۇكتەلگەن قازاقستان رەسپۋبليكاسىنىڭ سالىق زاڭناماسىنىڭ، وزگە دە زاڭنامالارىنىڭ نورمالارىنىڭ ورىندالۋىن جۇزەگە اسىراتىن باقىلاۋ بولىپ تابىلادى»، - دەدى س.جۇمابەكوۆ.
سالىقتىق باقىلاۋ سالىقتىق تەكسەرۋ نىسانىندا جانە مەملەكەتتىك باقىلاۋدىڭ وزگە دە نىساندارىندا جۇزەگە اسىرىلادى.
مەملەكەتتىك باقىلاۋدىڭ وزگە دە نىساندارىنا:
1) سالىق تولەۋشىلەردى سالىق ورگاندارىندا تىركەۋ؛
2) سالىق نىساندارىن قابىلداۋ؛
3) كامەرالدىق باقىلاۋ؛
4) سالىق مونيتورينگى؛
5) سالىقتىق تەكسەرۋ؛
6) ەتيل ءسپيرتىن ءوندىرۋدى جۇزەگە اسىراتىن ۇيىمداردا ەتيل ءسپيرتىن ەسەپكە الۋدى باقىلاۋ؛
7) تاۋارلار اينالىمىنىڭ قاداعالانۋى.
«جوعارىدا كەلتىرىلگەن ۇعىمداردان كورىنىپ تۇرعانداي، سالىقتىق باقىلاۋ سالىقتىق اكىمشىلەندىرۋدىڭ بولىگى بولىپ تابىلادى جانە سايكەسىنشە سالىقتىق باقىلاۋ شەڭبەرىندە الىنعان ناتيجەلەر مەن مالىمەتتەر سالىقتىق اكىمشىلەندىرۋدى جۇرگىزۋ ءۇشىن قولدانىلادى»، - دەپ ءتۇسىندىردى سپيكەر.
ول سونداي-اق شاعىمداردىڭ ەڭ كوپ سانى مەملەكەتتىك كىرىستەر ورگاندارىنا سالىقتىق باقىلاۋ نىساندارى بويىنشا كامەرالدىق باقىلاۋ، سالىقتىق تەكسەرۋ، سالىق تولەۋشىلەردى سالىق ورگاندارىندا تىركەۋ، سونداي-اق تالاپ-ارىز جۇمىسى رەتىندە تۇسەتىنىن اتاپ ءوتتى.
كامەرالدى باقىلاۋ – سالىقتىق باقىلاۋدىڭ ەڭ كەڭ تاراعان ءتۇرى، ونىڭ نەگىزگى ماقساتى سالىق تولەۋشىگە بۇزۋشىلىقتى ءوز بەتىمەن جويۋ مۇمكىندىگىن بەرۋ بولىپ تابىلادى.
سالىقتىق باقىلاۋدىڭ كەلەسى ءتۇرى - سالىقتىق تەكسەرۋ. سالىقتىق تەكسەرۋدى جۇرگىزۋدىڭ نەگىزدەرى مەن نىسانى سالىق كودەكسىنىڭ 70-بابىمەن رەگلامەنتتەلگەن. وسى باپتا بەلگىلەنگەندەي، سالىقتىق تەكسەرۋ تىركەۋ دەرەكتەرىندە كورسەتىلگەن زاڭدى مەكەنجاي بويىنشا جۇرگىزىلەدى.
«بۇگىنگى كۇنى ەلەكتروندىق تىركەۋدى جانە قايتا تىركەۋدى جۇرگىزۋ مۇمكىندىگىنە بايلانىستى مەكەن-جايى دۇرىس كورسەتىلمەگەن نەمەسە تولىق ەمەس مالىمەتتەردى قامتىعان جاعدايلار جيىلەپ كەتتى، وسىعان بايلانىستى سالىقتىق تەكسەرۋدى جۇرگىزۋ ناتيجەلەرى بويىنشا بولماۋ بەلگىلەنەدى جانە سالىق تولەۋشىنىڭ اتىنا حابارلاما جىبەرىلەدى»، - دەدى ول.
تالاپ-ارىز جۇمىسى - بۇل قازاقستان رەسپۋبليكاسىنىڭ ەكونوميكالىق قاۋىپسىزدىگىن قامتاماسىز ەتۋ جونىندەگى مىندەتتەمەلەردى ورىنداۋ ماقساتىندا جۇرگىزىلەتىن مەملەكەتتىك كىرىستەر ورگاندارىنىڭ بەيىندىك قىزمەتى ەمەس. بۇل جۇمىستى جۇرگىزۋ قۇقىعى سالىق كودەكسىنىڭ 19-بابىنىڭ 10-تارماعىندا بەلگىلەنگەن.
«بۇل راسىمدەردى سالىق ورگانى داۋلى قۇقىقتىق قاتىناستار تاراپتارىنىڭ تەڭدىگى بولىپ تابىلاتىن ايرىقشا ەرەكشەلىگى بولىپ تابىلاتىن ازاماتتىق ءىس جۇرگىزۋ زاڭناماسىندا كوزدەلگەن تارتىپپەن جۇزەگە اسىرادى.سونىمەن قاتار، سالىق تولەۋشىلەردى سوت تالقىلاۋى وربيتاسىنا نەگىزسىز تارتۋعا جول بەرمەۋ ماقساتىندا الماتى قالاسى بويىنشا دەپارتامەنت كەلىسىم كوميسسياسىنىڭ وتىرىستارىن وتكىزەدى، ونىڭ مۇشەلەرىنىڭ ءبىرى "اتامەكەن" كاسىپكەرلەر پالاتاسىنىڭ وكىلى بولىپ تابىلادى، ونىڭ جۇمىسى داۋدى سوتقا دەيىن رەتتەۋ جانە تالاپ ارىزدىڭ دالەلدى بازاسىن زەرتتەۋ بولىپ تابىلادى»، - دەپ ءتۇسىندىردى سپيكەر.
وسى كوميسسيا وتىرىسىنىڭ ناتيجەلەرى بويىنشا تالاپ قويۋ باعىتىندا نەمەسە پىسىقتاۋعا جىبەرۋ تۋرالى شەشىم شىعارىلادى. بۇل شەشىمگە ارپك شەڭبەرىندە شاعىمدار ءجيى بەرىلەد