الماتىدا جالعان حابارلاندىرۋ بەرگەن جىگىت ۇستالدى

ول جەلىدە پاتەردى جالعا بەرۋ تۋرالى جالعان حابارلاندىرۋ تاراتقان شىمكەنتتىك ازامات بولىپ شىقتى.

قىلمىستىق ارەكەتپەن شىمكەنت قالاسىنىڭ تۇرعىنى، 25 جاستاعى ت.ەسىمدى ازامات اينالىسقان. جاس جىگىت اقپاراتتىق ينتەرنەت رەسۋرستاردى پايدالانا وتىرىپ، تۇرعىن ءۇيدى جالعا بەرۋ تۋرالى جالعان حابارلاندىرۋلار جاريالاعان، دەپ حابارلايدى Almaty-akshamy.kz Polisia.kz-كە سىلتەمە جاساپ.

«شىن مانىندە كۇدىكتىدە جىلجىمايتىن مۇلىك بولماعان، ول ريەلتورلىق قىزمەتپەن اينالىسپايدى. تەرگەۋدىڭ وسى كەزەڭىندە ونىڭ وسىعان ۇقساس 15 ەپيزودقا قاتىسى بار ەكەنى انىقتالدى. كۇدىكتى ۇستالىپ، قاماۋعا الىندى. ءبىز ونىڭ باسقا دا قىلمىستارعا قاتىسى بار بولۋى مۇمكىن ەكەندىگىن جوققا شىعارمايمىز. وسىعان وراي، بۇل ادامنىڭ ارەكەتىنەن زارداپ شەككەن ازاماتتاردى مىنا تەلەفوندار ارقىلى حابارلاسۋىن سۇرايمىز: 8-705-555-77-63؛ 8-778-591-91-35»، – دەدى المالى اۋداندىق پوليسيا باسقارماسىنىڭ باستىعى ولجاس ءشارىپوۆ.

ق ر قك-نىڭ 201-بابىنا سايكەس، وزگە اقپارات تەرگەۋ مۇددەسىنە وراي جاريا ەتىلمەيدى. ق ر كونستيتۋسياسىنىڭ 77-بابى 3ء-بولىمى 1-تارماعى، ق ر قك-نىڭ 19-بابى 1-تارماعىنا ساي كەز كەلگەن ازامات سوت شەشىمى زاڭدى كۇشىنە ەنگەنگە دەيىن كىناسىز دەپ سانالادى.