قۇجاتتىڭ ماقساتى – حالىق ءۇشىن تارتىمدى، جايلى ءارى ۇيلەسىمدى مەگاپوليس قۇرۋ.
الماتىنىڭ 2040 جىلعا دەيىنگى جاڭا باس جوسپارىن ءۇش كۇندىك تالقىلاۋ اياقتالدى، دەپ حابارلايدى Almaty-akshamy.kz
ساراپشىلار مەن قالا تۇرعىندارى كولىكتى، الەۋمەتتىك ينفراقۇرىلىمدى دامىتۋدى، ينجەنەرلىك جەلىلەردى جاڭعىرتۋدى، اۋانىڭ لاستانۋىمەن كۇرەسۋ جانە ەكوجۇيەنى جاقسارتۋ شارالارىن تالقىلادى.
بىلتىر شىلدە ايىنان باستاپ «تۇرعىندار ساۋالناماسى» زەرتتەۋى جۇرگىزىلۋدە. بۇل الماتىلىقتاردىڭ تاجىريبەسىنە جۇگىنۋگە، قالاي ءومىر سۇرەتىنىن، جولعا قانشا ۋاقىت جۇمسايتىنىن، نە مازالايتىنىن جانە شاھاردىڭ دامۋىنا قاتىستى ۇسىنىستارىن بىلۋگە مۇمكىندىك بەردى.
باس جوسپاردى تالقىلاۋداعى ماسەلەنىڭ دەنى وسى زەرتتەۋدىڭ ناتيجەسىمەن راستالادى.
ءۇش كۇندىك قوعامدىق تالقىلاۋ كەزىندەگى ۇسىنىستار مەن پىكىرلەر الماتىنىڭ پوليورتالىقتارىنىڭ باس جوسپارىن ازىرلەۋ بويىنشا تەحنيكالىق تاپسىرمالاردى بەلگىلەۋ كەزىندە ەسكەرىلەدى.