الماتىدا AMANAT پارتياسى قالالىق فيليالىنىڭ ۇيىمداستىرۋىمەن ەل پرەزيدەنتى قاسىم-جومارت توقايەۆتىڭ جولداۋىندا جاريالانعان ساياسي رەفورمالار باعدارلاماسىن قولداۋ ءۇشىن ميتينگ ءوتتى، دەپ حابارلايدى اlmaty-akshamy.kz.
ميتينگكە AMANAT پارتياسىنىڭ اتقارۋشى حاتشىسى اسحات ورالوۆ قاتىسىپ، جۇرتشىلىقتى جاڭا قازاقستاندى بىرگە قۇرۋعا شاقىردى.
«ءبىزدىڭ باعىتىمىز – ايقىن، ماقساتىمىز – ورتاق. ءبىز – كوزى اشىق، كوكىرەگى وياۋ ازاماتتاردى بىرلەسىپ جۇمىس ىستەۋگە شاقىرامىز. وزگە پارتيالار بيلىككە جەتۋدى كوزدەسە، ءبىز ەڭ اۋەلى تاۋەلسىز قازاقستاننىڭ مۇددەسى ءۇشىن جۇمىس ىستەيمىز. ارداقتى اعايىن، اباي اتامىزدان قالعان امانات ءسوز بار: «ءبىرىڭدى قازاق، ءبىرىڭ دوس، كورمەسەڭ ءىستىڭ ءبارى بوس». سوندىقتان، كۇشىمىزدىڭ بىرلىكتە ەكەنىن كورسەتىپ، جاڭا قازاقستاندى بىرگە قۇرايىق! ءبىز بىرگەمىز!» – دەدى اسحات ورالوۆ.
جيىنعا ق ر ۇلتتىق عىلىم اكادەمياسىنىڭ اكادەميگى حانكەلدى ءابجانوۆ قاتىسىپ، قازاقستاندىقتاردى ەل پرەزيدەنتى قاسىم-جومارت توقايەۆتىڭ جولداۋىندا ايتىلعان ساياسي رەفورمالار باعدارلاماسىن قولداۋعا شاقىردى.
«پرەزيدەنتىمىز قاسىم-جومارت توقايەۆ جۇزەگە اسىرىپ جاتقان باستامالار مەن رەفورمالار ق ر كونستيتۋسياسىندا پاش ەتىلگەن قۇقىقتىق مەملەكەت قۇرۋعا جول اشاتىنىنا سەنىم مول. ءبىز ساياسي مودەرنيزاسيالاۋدىڭ جاڭا كەزەڭىنە اياق باستىق. AMANAT پارتياسىنىڭ دۇنيەگە كەلۋى - وسىنىڭ كورىنىسى. تاۋەلسىزدىك – بابالارىمىزدىڭ ارمانى ءارى اماناتى. ال جاھاندانۋ تۇسىندا ارمان مەن امانات اقيقاتقا اينالۋ ءۇشىن ەلدەگى ىنتىماقتان، كەلىسىمنەن، كەمەل ءۇنقاتىسۋدان ارتىق دۇنيە جوق»، - دەدى حانكەلدى ءابجانوۆ.