سايلاۋ ۋچاسكەلەرىندە داۋىس بەرۋشىلەرگە بارلىق جاعداي جاسالۋى ءتيىس.
سوندىقتان جەر-جەردە وقىتۋ جۇمىستارى قىزۋ ءجۇرىپ جاتىر. الماتىدا دا ورتالىق سايلاۋ كوميسسياسىنىڭ مۇشەلەرى بولىمشەلەردىڭ ماتەريالدىق-تەحنيكالىق جابدىقتالۋىن تەكسەرىپ، جەرگىلىكتى كوميسسيا مۇشەلەرىمەن كەزدەستى، دەپ حابارلايدى Almaty-akshamy.kz.
سەمينار بارىسىندا سايلاۋ زاڭىنا ەنگىزىلگەن زاڭ تەتىكتەرى دە تانىستىرىلدى. سونداي-اق جوسپارعا سايكەس اتقارىلىپ جاتقان جۇمىستاردىڭ ەسەبى تىڭدالدى. ايتا كەتەيىك، مەگاپوليستە 1 ملن 200 مىڭعا جۋىق ادام داۋىس بەرە الادى. 600 سايلاۋ ۋچاسكەسى جۇمىس ىستەيدى. ولاردىڭ 59-ى جابىق مەكەمەلەردە ورنالاسقان.
«ءبىز بۇگىن جەرگىلىكتى اتقارۋشى ورگاندارمەن بىرلەسە الداعى سايلاۋعا دايىندىق بارىسىن پىسىقتاپ جاتىرمىز. ساياسي ناۋقانعا كەلۋشىلەرگە بارىنشا جاعداي جاسالۋى كەرەك. اسىرەسە قارت ادامداردىڭ، مۇمكىندىگى شەكتەۋلى جانداردىڭ داۋىس بەرۋىنە ەش كەدەرگى بولماۋى ءتيىس»، - دەدى ق ر ورتالىق سايلاۋ كوميسسياسى ءتوراعاسىنىڭ ورىنباسارى كونستانتين پەتروۆ.