تۋرنيردە 177 بوكسشى ب ا ق سىناستى
قازاقستان رەسپۋبليكاسىنىڭ تۇڭعىش قورعانىس ءمينيسترى كەڭەس وداعىنىڭ باتىرى، №1 حالىق قاھارمانى ساعادات نۇرماعامبەتوۆتى ەسكە الۋعا ارنالعان بوكستان وتكەن حالىقارالىق تۋرنيرگە قازاقستان، وزبەكستان، تاجىكستان، قىرعىزستان جانە جۇڭگو حالىق رەسپۋبليكاسىنىڭ اتىنان قۇرامىندا 177 بىلعارى قولعاپ شەبەرى بار 25 كوماندا قاتىستى، دەپ حابارلايدى Almaty-akshamy.kz.
– قارۋلى كۇشتەردە قازاق حالقىنىڭ داڭقتى ۇلى، ارميا گەنەرالى ساعادات نۇرماعامبەتوۆتى ەسكە الۋعا ارنالعان كوپتەگەن ءىس-شارالار ۇيىمداستىرىلدى. ەسكە الۋ شارالارى باتىردىڭ تۋعان جەرى اقكول قالاسىندا، قۇرلىق اسكەرلەرىنىڭ اسكەري ينستيتۋتىندا، استانالىق اسكەري كوللەدجدە جانە باسقا گارنيزونداردا ءوتتى. ال بۇگىنگى ءتۋرنيردىڭ حالىقارالىق مارتەبەسىن ەرەكشە اتاپ وتۋگە بولادى، – دەدى قورعانىس مينيسترلىگى تاربيە جانە يدەولوگيالىق جۇمىستار دەپارتامەنتىنىڭ باستىعى، ادىلەت پولكوۆنيگى تىلەۋحان باسقوجايەۆ.
قورعانىس مينيسترلىگىنىڭ سپورت كوميتەتىنىڭ ءتوراعاسى – ورتالىق سپورت كلۋبىنىڭ باستىعى، پودپولكوۆنيك ارمان ابەۋوۆ اتاپ وتكەندەي، قازاق حالقىنىڭ داڭقتى ۇلى ساعادات نۇرماعامبەتوۆتى ەسكە الۋ تۋرنيرىندە ەلىمىزدىڭ ەڭ مىقتى بوكسشىلارى ىرىكتەۋدەن ءوتىپ، ۇزدىكتەردىڭ ۇزدىگىن جەڭۋدە.
– وسىنداي جارىستاردىڭ ارقاسىندا حالىقارالىق تاجىريبە جيناقتاپ، جاڭا ەسىمدەر انىقتالادى، – دەپ تولىقتىردى پودپولكوۆنيك ارمان ابەۋوۆ.
تۋرنير قورىتىندىسى بويىنشا، 48 كەلى سالماقتا جەنىش ۇلپاتوۆ (قىرعىزستان)، 51 كەلىدە دانيال ءسابيتوۆ (باتىس قازاقستان وبلىسى)، 54 كەلىدە دامير ءابدىقادىر (قورعانىس مينيسترلىگىنىڭ ورتالىق سپورت كلۋبى)، 57 كەلىدە ورازبەك اسىلقۇلوۆ (اقمولا وبلىسى)، 60 كەلىدە بەيبارىس جەكسەن (جامبىل وبلىسى)، 63،5 كەلىدە سۇلتان مۋسينوۆ (اقمولا وبلىسى) جەڭىمپاز بولسا، 67 كەلىگە دەيىنگى سالماقتا ءدىلمۇرات ميجيتوۆ (قورعانىس مينيسترلىگىنىڭ ورتالىق سپورت كلۋبى)، 71 كگ – دارحان دۇيسەباي (قورعانىس مينيسترلىگىنىڭ ورتالىق سپورت كلۋبى)، 75 كگ – اياتۋللا تاكىجانوۆ (پاۆلودار وبلىسى)، 80 كگ – ەراسىل جاقپەكوۆ (اباي وبلىسى)، 86 كگ – شايمۇرات قۇسايىنوۆ (پاۆلودار وبلىسى)، 92 كگ – اسان رەزبەك (قحر)، 92 كەلىدەن استام سالماقتا ابدۋراشيت رامەلا (قحر) ۇتىپ، سايىس چەمپيوندارى اتاندى.