الماتىداعى وزەكتى ماسەلەلەردىڭ ءبىرى قالدىقتاردى باسقارۋ، ونىڭ ىشىندە ەكولوگيالىق مادەنيەتتى قالىپتاستىرۋ تاقىرىبى بولىپ تابىلادى.
باستى ماقسات - قالدىقتارمەن كۇرەسۋ عانا ەمەس، ولاردى جويۋ ءۇشىن العى شارتتار جاساۋ ءارى جاس كەزدەن باستاپ ەكولوگيالىق مادەنيەتتى قالىپتاستىرۋ، دەپ حابارلايدى Almaty-akshamy.kz.
2022 جىلى الماتى اكىمدىگى EN Social كومپانياسىمەن بىرلەسىپ، «جاسىل مەكتەپ» پيلوتتىق جوباسىن ىسكە قوستى. جوبا مەكتەپتەر ىشىندە ەكو-رەيندجەرلەر توبىن قۇرۋعا باعىتتالعان، ولار ساراپشىلاردىڭ تەحنيكالىق جانە ءادىسنامالىق قولداۋىمەن مەكتەپتەردە قالدىقتاردى بولەك جيناۋدى جۇزەگە اسىردى، باستاۋىش سىنىپتار ءۇشىن ترەنينگتەر وتكىزدى، مەكتەپتەردە زاتتار مەن كىتاپتار الماسۋ بويىنشا ەكوفەستيۆالدار ۇيىمداستىردى، قۇستارعا جەم سالعىشتار جاسادى جانە وزدەرىنىڭ ەكوبەلسەندىلىكتەرىن ىلگەرىلەتۋ ءۇشىن مەكتەپتىڭ تەلەگرام مەن يۋتۋب ارنالارىن قۇردى. جوباعا بارلىعى 11 مەكتەپ قاتىستى: №25 گيمنازيا، №46 گيمنازيا، HighTech مەكتەبى، № 125 مەكتەپ، رفمم، №172 گيمنازيا، №185 مەكتەپ، №200 گيمنازيا، “پرەستيج” مەكتەبى، №76 مەكتەپ، №143 مەكتەپ-ليسەي.
اكسيا قورىتىندىسى بويىنشا، قالالىق مەكتەپتەر قايتا وڭدەۋگە 1،5 توننا قالدىق تاپسىردى. ماۋسىم ايىنىڭ باسىندا وقۋ جىلى اياقتالعاننان كەيىن بارلىق پايدالانىلعان مەكتەپ جانە جۇمىس داپتەرلەرىن، كونتۋرلىق كارتالاردى، كۇندەلىكتەردى جانە ت.ب. جيناپ، ولاردى قايتا وڭدەۋگە بەرۋ جوسپارلانۋدا.
بۇل جوبا مەكتەپتەر وزدەرىنىڭ ميكروۋچاسكەلەرىندە ەكوحابقا اينالۋى، بىلىمدەرىن وتباسىلارىنا جەتكىزۋى، سونداي-اق بولاشاقتا قايتا وڭدەۋگە جىبەرىلەتىن قالدىقتاردى قابىلداۋى مۇمكىن ەكەنىن تاعى دا كورسەتتى. الماتى مەكتەپتەرى وسى جوبامەن 100% قامتىلعان جاعدايدا، قالادا قالدىقتاردى قايتا وڭدەۋگە تاپسىرۋ ماسەلەسى شەشىلەدى، ال بالالار ارقىلى تۇرعىندار اراسىندا ەكومادەنيەتتىڭ نەگىزگى قاعيداتتارىن ەنگىزۋگە بولادى.
جوبا قورىتىندىسى بويىنشا قاتىسۋشىلاردى ماراپاتتاۋ ءراسىمى جوسپارلانعان. وتەتىن ورنى: الماتى ق.، دوستىق داڭعىلى، 104، Green point (ارمان كينوتەاترى). وتكىزۋ كۇنى – 2023 جىلعى 29 مامىر، 12:00-14:00.
ماراپاتتاۋ ءراسىمىن وتكىزگەننەن كەيىن بالالار الماتى قوقىس سۇرىپتاۋ زاۋىتىنا ەكسكۋرسياعا بارىپ، قالاداعى قالدىقتاردى باسقارۋدىڭ بارلىق پروسەسىن كورە الادى.