ول مال باعۋشى رەتىندە جۇمىسقا ورنالاسقان
سولتۇستىك قازاقستان وبلىسىنىڭ اققايىڭ اۋدانىندا 31 جاستاعى ەر ادامدى نايزاعاي ۇرىپ، مەرت قىلدى، دەپ حابارلايدى Almaty-akshamy.kz.
پوليسەيلەردىڭ مالىمەتىنشە، 2023 جىلعى 25 مامىردا سقو اققايىڭ اۋداندىق پوليسيا ءبولىمىنىڭ كەزەكشى بولىمىنە اققايىڭ اۋدانى دايىندىق جانە لەنينسكوە اۋىلدارىنىڭ اراسىندا 31 جاستاعى ەر ادامنىڭ ءمايىتى تابىلعاندىعى تۋرالى تەلەفون ارقىلى حابارلاما تۇسكەن.
ول مال باعۋشى رەتىندە جۇمىسقا ورنالاسىپ، جايىلىمدا مال باعىپ جۇرگەن.
"ەر ادامعا نايزاعاي تۇسكەنى انىقتالدى،" – دەلىنگەن ق ر ءىىم باسپا ءسوز قىزمەتى تاراتقان حابارلامادا.
سالدارىنان ول اتىمەن قوسا سول جەردە قازا تاپقان.
ءقازىر تەرگەۋ امالدارى ءجۇرىپ جاتىر، سوت-مەديسينالىق ساراپتاما تاعايىندالدى.