International Haileybury FIRST Championship-كە قازاقستان، ءباا، قىرعىزستان جانە وزبەكستاننان 36 مەكتەپ كومانداسى قاتىستى،-دەپ حابارلايدى Almaty-akshamy.kz.
چەمپيوناتتىڭ باستى ماقساتى – عىلىم، تەحنولوگيا، ينجەنەريا جانە ماتەماتيكا (STEM) سالاسىنداعى داعدىنى دامىتۋ، تاجىريبە الماسۋ، حالىقارالىق بايلانىس پەن دوستىقتى نىعايتۋ. Champions Award نوميناسياسى ورالدان كەلگەن High Tech كومانداسىنا بۇيىرسا، Winning Alliance Captain نوميناسياسىن الماتىلىق Balga men Shege كومانداسى الدى، ال Inspire Award Winner نوميناسياسىندا جاڭاوزەندىك Rebels كومانداسى جەڭىسكە جەتتى.
جەڭىمپازدارعا قبتۋ مەن «تۇران» ۋنيۆەرسيتەتىندە وقۋعا گرانتتار مەن باعالى سىيلىقتار بەرىلدى. چەمپيوناتتا 250-دەن استام وقۋشى باعىن سىناپ جاتىر. ولار وزدەرىنىڭ جاس ساناتى بويىنشا سايىسادى. چەمپيوناتتا جوبالاردىڭ تەحنيكالىق اسپەكتىسى، كرەاتيۆتىلىگى، تيىمدىلىگى جانە كوماندانىڭ بىرلەسىپ جۇمىس ىستەۋ قابىلەتى باعالانادى.