كوشى-قون قىزمەتىنىڭ نازارىنا الماتى-1 تەمىرجول ۆوكزالىندا تاجىكستان ازاماتى ىلىكتى. سودان تەكسەرۋ جقمىستارىن جۇرگىزۋ كەزىندە زاڭبۇزۋشىلىقتاردى انىقتادى،-دەپ حابارلايدى Almaty-akshamy.kz.
«تاجىكستاننان كەلگەن 25 جاستاعى ش. ەسىمدى ازامات قازاقستان رەسپۋبليكاسىندا بولۋ ەرەجەسىن بۇزعان. ول تاكسي جۇرگىزۋشىسى بولىپ جۇمىس ىستەگەن، ءبىراق بۇل دەرەك ۋاقىتشا ەڭبەك شارتىندا كورسەتىلمەگەن. ءتارتىپ بۇزۋشىعا قاتىستى ق ر اقبتك-نىڭ 517-بابىنىڭ 5-بولىگىمەن (شەتەلدiكتiڭ نەمەسە ازاماتتىعى جوق ادامنىڭ قازاقستان رەسپۋبليكاسىنىڭ حالىقتىڭ كوشى-قونى سالاسىنداعى زاڭناماسىن بۇزۋى) حاتتاما تولتىرىلدى. شەتەلدىكتى ەلدەن شىعارۋ ماسەلەسىن شەشۋ ءۇشىن ماتەريال سوتقا جىبەرىلدى. سونداي-اق اۆتوكولىك يەسى ق ر اقبتك-نىڭ 519-بابى 1-بولىگى (شەتەلدiك جۇمىس كۇشiن جانە ەڭبەكشi كوشiپ كەلۋشىلەردى قازاقستان رەسپۋبليكاسىنىڭ زاڭناماسىن بۇزا وتىرىپ تارتۋ) بويىنشا جاۋاپكەرشىلىككە تارتىلدى. كولىك قۇرالىن باسقارۋعا قۇقىعى جوق ادامعا كولىكتى ايداۋعا بەرگەنى ءۇشىن وعان ق ر اقبتك-نىڭ 612-بابى 2-بولىگى بويىنشا اكىمشىلىك حاتتاما تولتىرىلدى. ال كولىك مامانداندىرىلعان ايىپپۇل تۇراعىنا قويىلدى»، – دەدى الماتى قالالىق پد كوشى-قون قىزمەتى باسقارماسىنىڭ باستىعى اسحات بۋتۋنچينوۆ.
پوليسيا 19-25 ماۋسىم ارالىعىندا زاڭسىز جۇرگەن شەتەلدىكتەردى انىقتاۋ، سونداي-اق زاڭسىز كوشى-قون ارنالارىنىڭ جولىن كەسۋ ماقساتىندا قالا اۋماعىندا «زاڭسىز كەلۋشى» جەدەل الدىن الۋ ءىس-شاراسى جۇرگىزىلگەنىن ەسكە سالدى.