«مەدەۋ» مۇز ايدىنىندا وتكەن سالتاناتتى راسىمگە الماتى قالاسىنىڭ اكىمى دارحان ساتىبالدى، قوعام جانە مادەنيەت قايراتكەرلەرى، ءماسليحات دەپۋتاتتارى، قوعامدىق كەڭەس مۇشەلەرى، ۇكىمەتتىك ەمەس جانە جاستار ۇيىمدارىنىڭ وكىلدەرى، تانىمال سپورتشىلار، سونداي-اق قالا تۇرعىندارى مەن قوناقتارى قاتىستى، - دەپ حابارلايدى Aqshamnews.kz.
كوك بايراقتى كوتەرۋ راسىمىندە ءداستۇر بويىنشا اسكەري-وركەستردىڭ سۇيەمەلدەۋىمەن مەملەكەتتىك ءانۇران شىرقالدى. تۋ ىلىنگەن تۇعىردىڭ بيىكتىگى – 40 مەتر، ال كولەمى – 7x14 مەتر.
ەسكە سالا كەتەيىك، رەسپۋبليكا كۇنى قارساڭىندا قالا اكىمى دارحان ساتىبالدى قازاقستان پرەزيدەنتى قاسىم-جومارت توقايەۆتىڭ اتىنان مەملەكەتتىك ناگرادالاردى تابىستادى. ماراپاتتالعاندار قاتارىندا ەلدىڭ الەۋمەتتىك-ەكونوميكالىق جانە مادەني دامۋىنا ەلەۋلى ۇلەس قوسقان الماتىلىقتار بار. سونداي-اق، رەسپۋبليكا سارايىندا مەرەكەلىك كونسەرت ءوتتى.
بۇگىن الماتىدا ءتۇرلى ءىس-شارالار ءوتىپ جاتىر. رەسپۋبليكا سارايىنىڭ الدىندا «اتامەكەن» اتتى پاتريوتتىق اكسيا، جىبەك جولى كوشەسىندە قولونەرشىلەر مەن سۋرەتشىلەر جارمەڭكەسى، ەكولوگيالىق باستامالار جانە وزگە دە مادەني ءىس-شارالار ۇيىمداستىرىلعان.
بۇعان قوسا، ساعات 18:00-دە رەسپۋبليكا كۇنىنە وراي «كوكتوبە» تەلەمۇناراسى مەرەكەلىك ساۋلەتتىك جارىقپەن كومكەرىلەدى.