الماتى قالاسى بويىنشا قىلمىستىق-اتقارۋ جۇيەسى دەپارتامەنتىندە رەسپۋبليكا كۇنىنە ارنالعان سالتاناتتى جيىن ءوتتى.
ءىس-شارا ەلىمىزدىڭ مەملەكەتتىك انۇرانىمەن اشىلىپ، دەپارتامەنت باستىعى ەرلان ۇزاقوۆ جەكە قۇرام مەن ارداگەرلەردى اتاۋلى مەرەكەمەن قۇتتىقتادى.
– 25 قازان – ەلىمىزدىڭ ەڭ ماڭىزدى ءارى ايرىقشا مەرەكەلەرىنىڭ ءبىرى. سەبەبى ءدال وسى كۇنى، 1990 جىلى، قازاق كسر جوعارعى كەڭەسى مەملەكەتتىك ەگەمەندىك تۋرالى دەكلاراسيانى قابىلداپ، قازاقستان وزىندىك ءسالت-داستۇرى مەن ۇلتتىق قۇندىلىقتارى بار ەگەمەندى رەسپۋبليكا رەتىندە جاريالاندى. بۇل – اتا-بابالارىمىز اڭساعان ازاتتىقتىڭ اق تاڭى اتقان كۇن. بۇگىنگى بۋىننىڭ مىندەتى – سول تاۋەلسىزدىكتى كوزدىڭ قاراشىعىنداي ساقتاپ، ەل يگىلىگى ءۇشىن ادال قىزمەت ەتۋ. بارشاڭىزدى رەسپۋبليكا كۇنىمەن شىن جۇرەكتەن قۇتتىقتايمىن، – دەدى ەرلان ۇزاقوۆ.
مەرەكەلىك جيىندا قىزمەتتىك مىندەتىن ادال اتقارىپ، جوعارى كاسىبيلىك تانىتقان ءۇش قىزمەتكەر ىشكى ىستەر مينيسترلىگىنىڭ جانە قىلمىستىق-اتقارۋ كوميتەتىنىڭ العىس حاتتارى مەن گراموتالارىمەن ماراپاتتالدى. ال ءبىر قىزمەتكەرگە "قىلمىستىق-اتقارۋ سالاسىنىڭ ۇزدىگى" توسبەلگىسى تابىس ەتىلدى. سونىمەن قاتار جيىرمادان استام قىزمەتكەر قاج دەپارتامەنتى باسشىلىعىنىڭ العىس حاتتارىنا يە بولدى.
سالتانات اياسىندا ەرەكشە ءداستۇر رەتىندە ادال دا ەڭبەكقور قىزمەتكەرلەر تاربيەلەگەن 10 اتا-اناعا ەرلان ۇزاقوۆتىڭ اتىنان العىس حاتتار مەن گۇل شوقتارى تاپسىرىلدى. العىس حات ماتىنىندە: "ءسىز تاربيەلەپ وسىرگەن ۇلىڭىز ق ر ءىىم قىلمىستىق-اتقارۋ ورگاندارىندا وزىنە جۇكتەلگەن مىندەتتەردى ادال اتقارىپ، وتان الدىنداعى بورىشىنا زور جاۋاپكەرشىلىكپەن قاراۋدا. ۇلىڭىزدىڭ بويىنا وسىنداي قاسيەتتەردى دارىتقانىڭىز ءۇشىن سىزگە شىنايى العىس بىلدىرەمىن" - دەلىنگەن. سونىمەن بىرگە ءىس-شارا بارىسىندا قىزمەتكە جاڭادان قابىلدانعان جاس ماماندار وتانعا ادال قىزمەت ەتۋگە سالتاناتتى تۇردە انت بەردى.