پرەزيدەنتكە ۆەدومستۆونىڭ جىل باسىنان بەرى اتقارعان جۇمىسىنىڭ نەگىزگى ناتيجەلەرى مەن الداعى كەزەڭگە ارنالعان مىندەتتەرى جونىندە ەسەپ بەرىلدى، - دەپ حابارلايدى Aqshamnews.kz
ەرمەك ساعىمبايەۆتىڭ ايتۋىنشا، ۇلتتىق قاۋىپسىزدىك ورگاندارى ەكسترەميزم مەن تەرروريزمگە قاتىسى بار 67 ادامدى ۇستاعان. راديكالدىق اعىمدى ۇستاناتىن 83 ادام سوتتالدى. ىشكى ىستەر مينيسترلىگىمەن بىرلەسە قابىلدانعان شارالار ناتيجەسىندە 17 قىلمىستىق توپ قۇرىقتالىپ، ولاردىڭ 244 مۇشەسى ۇستالدى. 96 ادام قاماۋعا الىندى. زاڭسىز اينالىمنان 453 قارۋ، 64 گراناتا، التى مىڭعا جۋىق ءوق-دارى تاركىلەندى. 16 ەسىرتكى زەرتحاناسى، 25 حالىقارالىق جانە 19 وڭىرلىك ەسىرتكى تاسىمالداۋ ارناسى جويىلدى. جيىرما تونناعا جۋىق ەسىرتكى زاتتارى، سونىڭ ىشىندە 13 توننا كولۋمبيالىق كوكاين مەن 10 توننا پرەكۋرسور اينالىمنان الىندى. ەكونوميكالىق قاۋىپسىزدىكتى قامتاماسىز ەتۋ جانە جەمقورلىققا قارسى كۇرەس اياسىندا مەملەكەتكە 3،8 تريلليون تەڭگە كولەمىندە زالال كەلتىرىلمەدى. بيۋدجەتكە 255 ميلليارد تەڭگە وتەلدى. كوررۋپسيا فاكتىسى بويىنشا 91 قىلمىستىق ءىس قوزعالدى. كەزدەسۋ سوڭىندا پرەزيدەنت ۇلتتىق قاۋىپسىزدىك ورگاندارىنىڭ قىزمەتىنە قاتىستى ءبىرقاتار تاپسىرما بەردى.