رەسپۋبليكا كۇنى قارساڭىندا الماتى قالاسىندا الەۋمەتتىك سالانى دامىتۋعا، قالالىق ينفراقۇرىلىمدى جاڭعىرتۋعا، ءومىر ءسۇرۋ ساپاسىن ارتتىرۋعا جانە ەكونوميكالىق الەۋەتتى كەڭەيتۋگە باعىتتالعان 60-تان استام جوبا جۇزەگە اسىرۋدىڭ سوڭعى كەزەڭىنە جەتتى. اۋقىمدى جۇمىستار مەگاپوليستىڭ سەگىز اۋدانىن دا قامتيدى جانە ەلىمىزدىڭ 35 جىلدىعىنا وراي ۇيىمداستىرىلىپ، الماتىنىڭ ەل دامۋىنىڭ جەتەكشى ورتالىعى رەتىندەگى ءرولىن ايقىندايدى.
الەۋمەتتىك سالا
رەسپۋبليكا كۇنىنە دايىندىق اياسىندا قالادا ءبىلىم بەرۋ جانە الەۋمەتتىك قولداۋ نىساندارىن پايدالانۋعا بەرۋ اياقتالۋدا. 20 جوبا جۇزەگە اسىرىلىپ جاتىر، ولاردىڭ قاتارىندا جاڭا جالپى ءبىلىم بەرەتىن مەكتەپتەر، بالاباقشالار، مامانداندىرىلعان مەكەمەلەر مەن بەلسەندى ۇزاق ءومىر ءسۇرۋ ورتالىقتارى بار. بۇل باستامالار بالالارعا قوسىمشا ورىندار اشۋعا، ينكليۋزيۆتى ورتا قالىپتاستىرۋعا جانە الەۋمەتتىك قىزمەتتەرگە قولجەتىمدىلىكتى كەڭەيتۋگە مۇمكىندىك بەرەدى.
ينفراقۇرىلىم جانە اباتتاندىرۋ
ەڭ اۋقىمدى باعىت – قالالىق ورتانى جاقسارتۋعا باعىتتالعان 32 جوبا.
«حالىق قاتىساتىن بيۋدجەت» باعدارلاماسى جانە كەشەندى قالالىق جوبالار اياسىندا اۋلالاردى اباتتاندىرۋ، ساياباقتار مەن سكۆەرلەر سالۋ، جاياۋ جۇرگىنشىلەر مەن دەمالىس ايماقتارىن قۇرۋ، اۋماقتى كوگالداندىرۋ، كوشە جارىعىن جاڭارتۋ جانە شاعىن ساۋلەت نىساندارىن ورناتۋ جۇمىستارى جۇرگىزىلۋدە.
بۇل شارالار قالالىق ورتانىڭ جايلىلىعىن ارتتىرىپ، قوعامدىق كەڭىستىكتەردى دامىتىپ، تۇرعىنداردىڭ بەلسەندى دەمالىسىنا قولايلى جاعداي جاسايدى.
ونەركاسىپ جانە ەكونوميكا
قالانىڭ يندۋستريالىق ايماعىندا 9 جاڭا ءوندىرىس نىسانى پايدالانۋعا بەرىلۋدە.
ولاردىڭ قاتارىندا اۆتوموبيل زاۋىتى، شىنى ىدىس شىعاراتىن، كارتريدج وندىرەتىن جانە باسقا دا ونەركاسىپتىك كاسىپورىندار بار.
جاڭا وندىرىستەردىڭ ىسكە قوسىلۋى جۇمىس ورىندارىن اشۋعا، سالىق بازاسىن كەڭەيتۋگە جانە الماتىنىڭ ەكونوميكالىق الەۋەتىن نىعايتۋعا ىقپال ەتەدى.
كوممۋنالدىق جۇيەلەردى جاڭعىرتۋ
ينجەنەرلىك ينفراقۇرىلىم سالاسىندا 4 ءىرى جوبا جۇزەگە اسىرىلۋدا.
ولار — سۋ جانە كارىز جەلىلەرىن، جىلۋ ماگيسترالىن سالۋ جانە قايتا جاڭارتۋ، كوممۋنالدىق جۇيەلەردى مودەرنيزاسيالاۋ.
بۇل جۇمىستار حالىققا كوممۋنالدىق قىزمەتتەردىڭ سەنىمدىلىگى مەن قولجەتىمدىلىگىن ارتتىرۋعا باعىتتالعان.
اۋدانداردى كەشەندى دامىتۋ
جوبالار قالانىڭ بارلىق سەگىز اۋدانىن قامتىپ، جايلى قالالىق ورتا قالىپتاستىرۋعا، الەۋمەتتىك ينفراقۇرىلىمدى دامىتۋعا، قوعامدىق كەڭىستىكتەردى اباتتاندىرۋعا جانە كوممۋنالدىق جۇيەلەردى جاڭعىرتۋعا باعىتتالعان.
ءىس-شارالار بيۋدجەت قاراجاتى ەسەبىنەن دە، سونداي-اق تۇرعىنداردىڭ باستاماسى ارقىلى «حالىق قاتىساتىن بيۋدجەت» باعدارلاماسى اياسىندا دا جۇزەگە اسىرىلۋدا. بۇل ءوز كەزەگىندە حالىقتىڭ وزەكتى سۇرانىستارىن ناقتى شەشۋگە مۇمكىندىك بەرەدى.
60-تان استام جوبانىڭ جۇزەگە اسىرىلۋى – الماتى اكىمدىگىنىڭ الەۋمەتتىك سالانى دامىتۋ، تۇراقتى قالالىق ينفراقۇرىلىم قالىپتاستىرۋ جانە ونەركاسىپتىك الەۋەتتى نىعايتۋ باعىتىنداعى جۇيەلى جۇمىسىنىڭ ايقىن ناتيجەسى.
نىسانداردىڭ تولىق ءتىزىمى سىلتەمەدە بەرىلگەن.