پرەزيدەنتتىككە ۇمىتكەرلەر دەباتى قاشان وتەدى؟

بۇل تۋرالى ورتالىق سايلاۋ كوميسسياسى حابارلادى.

قازاقستان پرەزيدەنتتىگىنە ۇمىتكەرلەر دەباتى 11 قاراشادا وتەدى، - دەپ حابارلايدى Almaty-akshamy.kz

«قازىرگى ۋاقىتتا «حابار» تەلەارناسى 2022 جىلدىڭ 20 قاراشاسىنا بەلگىلەنگەن ق ر پرەزيدەنتى سايلاۋىندا سايلاۋالدى تەلەدەباتتار مەن پىكىرتالاستاردى وتكىزۋ رەگلامەنتىن ازىرلەدى. رەگلامەنت جوباسى ورتالىق سايلاۋ كوميسسياسىنا كەلىسۋ ءۇشىن ۇسىنىلدى. جوبادا سايلاۋ الدىنداعى: قاتىسۋشىلارعا قويىلاتىن جالپى تالاپتار، قاتىسۋشىلاردىڭ سويلەۋ ءتارتىبى، ءىس-شارا قاي تىلدە وتەتىنى، ەفير ۋاقىتىنىڭ ۇزاقتىعى جارىسسوزدەر مەن تالقىلاۋلاردى وتكىزۋ ءتارتىبى قاراستىرىلعان»، - دەدى وسك مۇشەسى اناستاسيا ششەگورسوۆا.

پىكىرسايىسقا قاراقات ابدەن، نۇرلان اۋەسبايەۆ، جيگۋلي دايرابايەۆ، مەيرام قاجىكەن، ەرلان قوشانوۆ (قاسىم-جومارت توقايەۆتىڭ وكىلى بولادى)، سالتانات تۇرسىنبەكوۆا قاتىسادى. دەبات 11 قاراشادا ساعات 20:00-دە «حابار» تەلەارناسىندا تىكەلەي ەفيردە وتەدى.

«داۋىس بەرۋ ناتيجەسىندە 2022 جىلعى 20 قاراشاعا بەلگىلەنگەن قازاقستانداعى كەزەكتەن تىس پرەزيدەنتتىك سايلاۋدا سايلاۋالدى تەلەدەباتتار مەن پىكىرتالاستاردى ۇيىمداستىرۋ جانە وتكىزۋ تۋرالى قاۋلى قابىلداندى»، - دەدى ششەگورسوۆا.