سالتاناتتى ءىس-شاراعا قالالىق اكىمدىك وكىلدەرى مەن ەلىمىزگە بەلگىلى ونەر قايراتكەرلەرى قاتىستى
الماتىدا پوەزيا الەمىندە وشپەس ورنى بار، بەلگىلى اقىن، جازۋشى، قازاقستاننىڭ ەڭبەك سىڭىرگەن قايراتكەرى رافاەل نيازبەكوۆ تۇرعان ۇيگە مەموريالدى تاقتا قويىلدى، دەپ حابارلايدى Almaty-akshamy.kz Almaty.tv-گە سىلتەمە جاساپ.
سالتاناتتى ءىس-شاراعا قالالىق اكىمدىك وكىلدەرى مەن ەلىمىزگە بەلگىلى ونەر قايراتكەرلەرى قاتىستى. قوناقتار «ولەڭدەرى ارقىلى كوپتىڭ جۇرەگىنەن ورىن الا بىلگەن اقىننىڭ جارقىن بەينەسى جادىمىزدا ماڭگى ساقتالادى» دە ەسكە الدى.
«باۋىرلاس ەلدىڭ باتىرى اتانعان اقىن، ءوز ەلىنىڭ باتىرى بولماسقا حاقىسى جوق. الاشتىڭ دا ازۋلى اقىنى دا، باتىرى دا بولىپ ءوتتى ومىردەن. رافاەل اعا – رۋحى بولەك، اقىندىعى ەرەك تالانت يەسى ەدى»، – دەدى اقىن، قازاقستان جازۋشىلار وداعى ءتوراعاسىنىڭ ورىنباسارى باقىت بەدەلحان.