الماتىدا قىسىممەن اتىلعان كارىز قۇدىعىنىڭ قاقپاعى كولىكتى زاقىمدادى

سول ماڭدا جول جيەگىندە تۇرعان كولىككە زاقىم كەلدى.

 كولىك يەسى ونىڭ شىعىنىن قالاي وتەپ الارىن بىلمەي الەك، دەپ حابارلايدى Almaty-akshamy.kz. قازاقپاراتقا سىلتەمە جاساپ.

كارىز قاقپاعى اتىلىپ شىعىپ، جەڭىل اۆتوكولىكتى زاقىمداعانى تۋرالى ۆيدەو الەۋمەتتىك جەلىدە تارادى.

«اتىلىپ ۇشقان كارىز قاقپاعى كولىگىمدى قيراتتى. كولىكپەن ءوتىپ بارا جاتقان جانە جاياۋ ادامداردىڭ سوزىنشە، كارىز قاقپاقتارى جولدىڭ قارسى بەتىندە جانە ساين-رىسقۇلوۆ كوشەلەرىنىڭ قيىلىسى تۇسىندا دا ۇشىپ شىققان (مۇندا دا كولىك بۇلىنگەن).

شاماسى كارىز جۇيەسىندە گاز اتىلعان بولسا كەرەك. ەندى كولىگىمنىڭ شىعىنىن كىم وتەيتىنىن بىلمەيمىن»، - دەپ جازدى كولىك يەسى جەلىدە.

وسىعان بايلانىستى «الماتى سۋ» مەملەكەتتىك كوممۋنالدىق كاسىپورنىنىڭ مالىمەتىنشە، زاقىمدالعان كولىكتى «الماتى سۋ» مكك قالپىنا كەلتىرەتىن بولادى.

«10 مامىردا ساين داڭعىلىنداعى اۆتوتۇراقتا تۇرعان اۆتوكولىك سۋ بۇرۋ جۇيەسىندە ورناتىلعان جابىق كارىز قۇدىعىنان ۇشىپ شىققان ليۋكتىڭ سالدارىنان زاقىمداندى. وقيعا سالدارىنان قازا تاپقاندار مەن زارداپ شەككەندەر جوق. بولعان جاعدايدىڭ سەبەبىن انىقتاۋ ءۇشىن ارنايى ىشكى كوميسسيا قۇرىلدى. زاقىمدالعان اۆتوكولىك ق ر زاڭناماسىندا بەلگىلەنگەن تارتىپپەن «الماتى سۋ» مكك كومەگىمەن قالپىنا كەلتىرىلەدى»، - دەپ حابارلادى كومپانيادان.