الماتىدا قىسقا دايىندىق: اۆتوپاركتى جاڭارتۋ، ارنايى تەحنيكا ساتىپ الۋ ءجۇرىپ جاتىر
الماتىدا قىسقى كەزەڭدە قالاعا قىزمەت كورسەتۋ ءۇشىن 918 بىرلىك تەحنيكا دايىندالعان، ال جولدار مەن تروتۋارلاردى تازالاۋعا 1 400 جول جۇمىسشىسى تارتىلۋى مۇمكىن. بۇل تۋرالى مەگاپوليستىڭ كوممۋنالدىق ينفراقۇرىلىمدى دامىتۋ باسقارماسى مالىمدەدى، دەپ حابارلايدى aqshamnews.kz
قازىرگى ۋاقىتتا جالپى ۇزىندىعى 2،7 مىڭ كم اساتىن 2 318 كوشەدە سانيتارلىق تازالاۋ جۇمىستارى جۇرگىزىلۋدە.
كۇندىزگى كەزەڭدە كوشەلەردى تازالاۋعا كۇن سايىن شامامەن 600 تەحنيكا بىرلىگى جانە 800 جول جۇمىسشىسى جۇمىلدىرىلسا، تۇنگى اۋىسىمدا 220 تەحنيكا بىرلىگى جانە 250 جول جۇمىسشىسى تارتىلادى.
ون مەردىگەر ۇيىم قىسقى كەزەڭگە دايىندىق جۇمىستارىن اياقتادى: وندىرىستىك بازالار، ارنايى تەحنيكا، جۇرگىزۋشىلەر مەن جول جۇمىسشىلارىنا ارنالعان دەمالىس بولمەلەرى دايىندالعان، كوكتايعاققا قارسى جانە جانار-جاعارماي ماتەريالدارى، قوسالقى بولشەكتەر، قاجەتتى قۇرالدار، قىسقى ارنايى كيىمدەر ساتىپ الىنعان. سونىمەن قاتار، قىسقى جابدىقتار جيىنتىعى ورناتىلىپ، ماۋسىمدىق تەحنيكالار قايتا جاراقتاندىرىلعان، قار ۇيىندىلەرىنىڭ ورنالاسۋ ورىندارى كەلىسىلگەن.
كوكتايعاققا قارسى ماتەريالدار دا دايىندالدى.
جۇمىستاردىڭ ساپاسى مەن جەدەلدىگىن ارتتىرۋ ءۇشىن جانە «الماتى تازالىق» مكك اۆتوپاركىن جاڭارتۋ ماقساتىندا 22 مامانداندىرىلعان تەحنيكا ساتىپ الىندى. جىل سوڭىنا دەيىن تاعى 10 بىرلىك تەحنيكا ساتىپ الۋ جوسپارلانعان.
قالىڭ قار جاۋعان جاعدايدا قالانىڭ قۇرىلىس ۇيىمدارى قوسىمشا 150-گە دەيىن ساموسۆالدار مەن تيەگىشتەردى، سونداي-اق 1 000-عا دەيىن جۇمىسشىنى قامتاماسىز ەتەدى.