2024 جىلدىڭ 29 قازانىندا ءال-فارابي اتىنداعى قازاق ۇلتتىق ۋنيۆەرسيتەتىنىڭ شىعىستانۋ فاكۋلتەتى تۇرىكتانۋ جانە شىعىس ەلدەرىنىڭ تاريحى كافەدراسىندا قازاقستان جانە تۇركيا رەسپۋبليكالارىنىڭ رەسپۋبليكا كۇندەرىنە وراي «رەسپۋبليكالار جولى: تاريحتان بولاشاققا» اتتى مەرەكەلىك شارا ءوتتى.
ءىس-شارانى كافەدرانىڭ اعا وقىتۋشىسى، كۋراتور-ەدۆايزەر جەڭىسبەك اكىمبەك ۇلى ابىلدايەۆ پەن «جاس زەرتتەۋشى» ۇيىرمەسىنىڭ جىلدىق جوسپارى اياسىندا «6B02207-شىعىستانۋ» ماماندىعىنىڭ 4-كۋرس ستۋدەنتتەرى ۇيىمداستىردى. مەرەكەلىك شاراعا فاكۋلتەتتىڭ پروفەسسور-وقىتۋشى قۇرامى، ماگيسترانتتار، دوكتورانتتار، ستۋدەنتتەر جانە تۇرىك بيزنەس وكىلدەرى قاتىستى.
ءىس-شارا ەكى ماڭىزدى كەزەڭگە ءبولىندى. ءبىرىنشى كەزەڭ قازاقستان مەن تۇركيا رەسپۋبليكالارىنىڭ ءانۇراندارىن ورىنداۋمەن باستالىپ، ستۋدەنتتەر دايىنداعان باياندامالارمەن جالعاستى. 4-كۋرس ستۋدەنتتەرى مۇراتوۆا البينا مەن ءۇمىت ياشار وعىزجان «مۇستافا كەمالدى ەسكە العاندا» (تۇرىكشە)، كەڭەسوۆا اياجان «زاۋلا، ەگەمەندىك تۇلپارى» (قازاقشا)، حاكيمبايەۆا ازيزا «رەسپۋبليكا» (تۇرىكشە) اتتى ولەڭدەرىن وقىدى. انەر ارلان باۋىرلاس ەكى ەلدىڭ رەسپۋبليكا جولىنداعى دامۋ ەرەكشەلىكتەرىن بەينەلەيتىن بەينەروليك دايىنداسا، مۇحيدين گۇلدانا «قازاقستان مەن تۇركيا رەسپۋبليكالارىنىڭ تاۋەلسىزدىك پەن ۇلتتىق بىرلىك جولى» تاقىرىبىندا (قازاقشا-تۇرىكشە) بايانداما جاسادى.
ءىس-شارانىڭ ەكىنشى كەزەڭى حالىقارالىق مانساپتىق پلاتفورماعا باعىتتالدى. تۇركيا رەسپۋبليكاسى پرەزيدەنتى اپپاراتىنىڭ ادام رەسۋرستارى ورتالىعىنىڭ وكىلى مەرت تەكبىيىك مىرزا 2024 جىلدىڭ 2 قاراشاسىندا InterContinental Almaty قوناقۇيىندە وتەتىن TALENTforBIZ كورمەسى تۋرالى تانىستىرىلىم جاسادى. بۇل شارا Turkish Airlines، Ziraat Bank جانە Halkbank سياقتى بەدەلدى كومپانيالاردىڭ مانساپتىق مۇمكىندىكتەرى تۋرالى اقپارات بەردى. قاتىسۋشىلار بولاشاق مانساپتارى ءۇشىن كوپتەگەن ماڭىزدى اقپارات الىپ، كورمەگە قاتىسۋعا تىركەۋدەن ءوتتى. جاستاردىڭ وسى باعىتتا بەلسەندى جۇمىس ىستەيتىنىنە سەنىم ءبىلدىرىلدى.
مەرەكەلىك شارا سوڭىندا تۇرىكتانۋ جانە شىعىس ەلدەرىنىڭ تاريحى كافەدراسىنىڭ مەڭگەرۋشىسى مىرزاحان ءشارىپباي ۇلى ەگامبەردييەۆ ءىس-شارانىڭ جوعارى دەڭگەيدە وتكەنىن اتاپ ءوتىپ، كەلگەن قوناقتار مەن ستۋدەنتتەرگە، ۇيىمداستىرۋشىلارعا العىس ءبىلدىردى. سونداي-اق، بولاشاقتا كافەدرادا وسىنداي شارالاردىڭ كوپتەپ ۇيىمداستىرىلاتىنىن ايتتى.