كۇدىكتىگە قاتىستى سوتقا دەيىنگى تەرگەۋ باستالدى.
الماتى وبلىسىندا پوليسەيلەر براكونەردەن 50 كەلىدەن استام زاڭسىز اۋلانعان بالىقتى تاركىلەدى، – دەپ حابارلايدى aqshamnews.kz Polisia.kz-كە سىلتەمە جاساپ.
27 قازاندا “براكونەر” جەدەل-پروفيلاكتيكالىق ءىس-شاراسىن وتكىزۋ بارىسىندا بالقاش اۋدانىنىڭ قۇيعان اۋىلى ماڭىندا پوليسەيلەر كورشى جامبىل وبلىسىنىڭ 45 جاستاعى تۇرعىنىن ۇستادى. ەر ادام موتورلى قايىقپەن جانە تىيىم سالىنعان ءمونوجىپتى تورلارمەن بالىق اۋلاعان.
«ءتىنتۋ كەزىندە قۇقىق بۇزۋشىدان 50 كەلىدەن استام كوكسەركە، سونداي-اق زاڭسىز اۋلاۋ قۇرالدارى تابىلدى. كۇدىكتىگە قاتىستى بالىق رەسۋرستارىن زاڭسىز ءوندىرۋ فاكتىسى بويىنشا سوتقا دەيىنگى تەرگەۋ باستالدى. مەملەكەتكە كەلتىرىلگەن زالال 425 844 تەڭگەنى قۇرايدى»، – دەدى بالقاش اۋداندىق پوليسياسىنىڭ باستىعى ايدار ۋماروۆ.
تاركىلەنگەن بالىق ساتۋ جانە مەملەكەت پايداسىنا تۇسكەن قاراجاتتى اۋدارۋ ءۇشىن قابىلداۋ پۋنكتىنە وكىزىلدى.