الماتى پوليسەيلەرى الكوگول ونىمدەرىن ساتۋ سالاسىنداعى قۇقىق بۇزۋشىلىقتاردىڭ جولىن كەسۋ ماقساتىندا پروفيلاكتيكالىق ءىس-شارالار جۇرگىزۋدە، دەپ حابارلايدى Almaty-akshamy.kz.
Polisia.kz اقپاراتىنا سايكەس، قالادا جىل باسىنان بەرى ۋچاسكەلىك ينسپەكتورلار كاسىپكەرلىك سۋبەكتىلەرى تاراپىنان وسى باعىتتاعى 161 زاڭ بۇزۋشىلىقتى انىقتاعان.
«تالداۋعا سايكەس، قىلمىستىڭ ۇشتەن ءبىر بولىگى الكوگولدى ىشىمدىكتەردى بىرلەسىپ ءىشۋ سالدارىنان جاسالعانىن ايتا كەتكەن ءجون. وسىعان وراي، كاسىپكەرلىك سۋبەكتىلەرىنەن زاڭ تالاپتارىن مۇلتىكسىز ورىنداۋدى، اتاپ ايتقاندا، الكوگول ونىمدەرىن 23:00-دەن باستاپ كەلەسى كۇننىڭ 08:00-گە دەيىن، ال ەتيل ءسپيرتىنىڭ كولەمدىك ۇلەسى 30%-دان اساتىن الكوگولدىك ونىمدەردى 21:00-دەن باستاپ كەلەسى كۇننىڭ 12:00-نە دەيىن ساتپاۋدى تالاپ ەتەمىز. سونداي-اق 21 جاسقا تولماعاندارعا الكوگولدىك ىشىمدىكتەردى ساتۋعا تىيىم سالىنعانىن ەستەرىڭىزگە سالامىز»، – دەدى الماتى قالالىق پد جەرگىلىكتى پوليسيا قىزمەتى باسقارماسى باستىعىنىڭ ورىنباسارى دياس دۋانبەكوۆ.