ىلە الاتاۋى تاۋلارىندا سوۆەتوۆ شىڭى اۋدانىندا 33 جاستاعى ايەل جوعالىپ كەتتى.
تاۋعا ساياحاتتاۋعا بارعان دوستار تاۋدان تۇسكەندە بىر-بىرىنەن اجىراپ قالعان. جوعالعان ادامدى ىزدەۋ جۇمىستارى ءتورت ساعاتقا سوزىلدى، دەپ حابارلايدى Almaty-akshamy.kz قازاقپاراتقا سىلتەمە جاساپ.
«ءوتىنىش بەرۋشىدە دە ناقتى گەولوكاسيا بولعان جوق. جوعالعان اداممەن بايلانىسۋ مۇمكىن بولمادى. تجم رەسپۋبليكالىق جەدەل-قۇتقارۋ جاساعىنىڭ جەدەل توبى سوۆەتوۆ شىڭىنا شىعىپ، ىزدەۋگە كىرىستى. قۇتقارۋشىلار تۇنگى ۋاقىتتا ءتورت ساعات بويى تاۋلاردان ءتۋريستى ىزدەدى، ول كاسىپقويلىعىنىڭ ارقاسىندا كەلەسى كۇنى تاڭەرتەڭ 5:16-دا تابىلدى. ساعات 7:50-دە قۇتقارۋشىلار ءتۋريستى رجقج جەدەل كولىگىنە ءتۇسىردى»،-دەلىنگەن حابارلامادا.