دەكلاراسيانى مەرزىمىندە ۇسىنباعانى ءۇشىن ق ر اقبتك اكىمشىلىك جاۋاپكەرشىلىك قاراستىرىلعان.
الماتىدا 250.00 نىسانىنداعى دەكلاراسيانى ءالى 30 195 ادام تاپسىرعان جوق، دەپ حابارلايدى Almaty-akshamy.kz قازاقپاراتقا سىلتەمە جاساپ.
الماتى قالاسى مەملەكەتتىك كىرىستەر دەپارتامەنتىنىڭ مالىمەتىنشە، بيىلعى جىلدىڭ 1 قاڭتارىنان باستاپ جالپىعا بىردەي دەكلاراسيالاۋدىڭ ەكىنشى كەزەڭى باستالعان. ەكىنشى كەزەڭ شەڭبەرىندە جەكە تۇلعانىڭ اكتيۆتەرى مەن مىندەتتەمەلەرى تۋرالى دەكلاراسيانى 250.00 نىسانى بويىنشا مەملەكەتتىك مەكەمەلەردىڭ، كۆازيمەملەكەتتىك سەكتور سۋبەكتىلەرىنىڭ قىزمەتكەرلەرى، سونداي–اق ولاردىڭ جۇبايلارى ۇسىنۋى ءتيىس.
«الماتى قالاسى بويىنشا جالپىعا بىردەي دەكلاراسيالاۋدىڭ ەكىنشى كەزەڭى شەڭبەرىندە 152 484 جەكە تۇلعا دەكلاراسيا تاپسىرۋعا مىندەتتى. دەكلاراسيانى تاپسىرۋ مەرزىمى 15 قىركۇيەكتە اياقتالادى. الايدا، 30 195 ادام ءوز مىندەتتەمەلەرىن ءالى ورىندامادى. دەكلاراسيا ۇسىنباعان جەكە تۇلعالاردىڭ جالپى سانىنىڭ 61% - ى نەمەسە 18 440-ى ءبىلىم بەرۋ، دەنساۋلىق ساقتاۋ، مادەنيەت جانە سپورت سالاسىنىڭ قىزمەتكەرلەرىنە، قالعانى كۆازيمەملەكەتتىك سەكتور قىزمەتكەرلەرىنە تيەسىلى»، - دەپ حابارلادى الماتى قالاسى مەملەكەتتىك كىرىستەر دەپارتامەنتىنىڭ باسپا ءسوز قىزمەتى.
دەكلاراسيانى ەلەكتروندى تۇردە «سالىق تولەۋشىنىڭ كابينەتى» (cabinet.salyk.kz)، «ەلەكتروندىق ۇكىمەت» پورتالى ارقىلى (egov.kz)، سونداي-اق esalyq azamat ءموبيلدى قوسىمشاسىنىڭ كومەگىمەن تاپسىرۋعا بولادى. سونداي-اق بارلىق سۇراقتار بويىنشا ءبىرىڭعاي بايلانىس ورتالىعىنا 1414 نومىرىنە حابارلاسۋعا بولادى.
ەستەرىڭىزگە سالا كەتەيىك، تاياۋ كۇندەرى قاتە كەتكەن دەكلاراسيانى تۇزەتۋ مۇمكىندىگى جايلى اقپارات بەرگەن بولاتىنبىز. قاتە تولتىرىلعان دەكلاراسيانى تۇزەتۋ تۋرالى مىنا جەردەن وقي الاسىزدار.