ق ر ءىىم م.ەسبولاتوۆ اتىنداعى الماتى اكادەمياسىندا پوليسيا دەپارتامەنتتەرىنىڭ ءار ايماعىنان جينالعان باسشىلىق قۇرامدى دايارلاۋ فاكۋلتەتىنىڭ تىڭداۋشىلارىنا ىشكى ىستەر ءمينيسترى مارات احمەتجانوۆتىڭ اتىنان سەرتيفيكاتتار مەن ىشكى ىستەر مينيسترلىگىنىڭ كۋبوگىن جەڭىپ العان پىكىرسايىس ءتۋرنيرىنىڭ جەڭىمپازدارىنا گراموتالار تابىستالدى، دەپ حابارلايدى Almaty-akshamy.kz.
«ەگەمەندى ەلىمىزدىڭ جارقىن بولاشاعىنىڭ كەپىلى – جاڭا قازاقستان قۇرۋدا بىلىكتى كادرلاردىڭ اتقاراتىن ءرولى وراسان. ال ىشكى ىستەر ورگاندارى ءۇشىن بىلىكتى كادرلاردى الماتى اكادەمياسى دايارلايدى. سىزدەر بولاشاقتا ىشكى ىستەر ورگاندارىنداعى جاڭاشىل باستامالار مەن رەفورمالاردى جۇزەگە اسىرۋدا اكادەميا قابىرعاسىندا العان بىلىمدەرىڭىزدى جۇمسايدى دەپ سەنەمىز»، – دەدى اكادەميا باسشىسى ا.سايتبەكوۆ ءوزىنىڭ قۇتتىقتاۋ سوزىندە.
ءوز كەزەگىندە ءسوز العان باسشى قۇرامدى دايارلاۋ فاكۋلتەتىن ءبىتىرۋشى ءىىم اكىمشىلىك پوليسيا كوميتەتىنىڭ باسقارما باستىعى اسىلبەك يدريسوۆ تا اكادەميا باسشىلىعىنا جان-جاقتى ءبىلىم الۋعا جاعداي تۋدىرعانى ءۇشىن العىس ءبىلدىردى. پىكىرتالاس ءتۋرنيرىنىڭ قورىتىندىسى بويىنشا ءىىم اكىمشىلىك پوليسيا كوميتەتىنىڭ باسقارما باستىعى ە.چۋپەكوۆ، سولتۇستىك قازاقستان وبلىسى پد ەسىل اۋدانى پوليسيا ءبولىمىنىڭ باستىعى .ە.ەسليامبەكوۆ، قىزىلوردا وبلىسى پد انىقتاۋ باسقارماسىنىڭ باستىعى ن. جامال-اد-دين جۇلدەلى ورىنداردى يەلەندى.