2024 جىلدىڭ 25 قىركۇيەگىندە پروكۋراتۋرا مەن مەدەۋ اۋداندىق پوليسيا باسقارماسى قۇقىق بۇزۋشىلىقتىڭ الدىن الۋ ماسەلەلەرى بويىنشا ۆەدومستۆوارالىق كەڭەس وتكىزدى.
شاراعا اۋدانداعى ويىن-ساۋىق مەكەمەلەرىنىڭ وكىلدەرى شاقىرىلعان. مەدەۋ اۋدانىنداعى ماسەلەلەردىڭ ءبىرى – ءدامحانالار، مەيرامحانالار مەن تۇنگى كلۋبتاردا ءجيى ورىن الاتىن قىلمىستار، دەپ حابارلايدى aqshamnews.kz Polisia.kz-كە سىلتەمە جاساپ.
قاداعالاۋ ورگانىنىڭ مالىمەتىنشە، 2024 جىلدىڭ 8 ايىندا اۋدانداعى 5 بەلگىلى مەكەمەدە 12 قىلمىس، ونىڭ ىشىندە 11 كۇش قولدانۋ ارقىلى بۇزاقىلىق جانە 1 كىسى ولتىرۋگە وقتالۋ دەرەكتەرى ورىن الدى. ءبىر اتاقتى مەيرامحانادا 12 قىلمىستىڭ 6-ى جاسالعان.
پوليسيا مەن پروكۋراتۋرا كەيبىر مەكەمەلەردە بەينەباقىلاۋ كامەرالارى جارتىلاي جوق ەكەندىگىن انىقتادى. وقيعالاردان كەيىن قاۋىپسىزدىك قىزمەتى جانجالداردىڭ الدىن الۋ ءۇشىن دەر كەزىندە شارا قولدانباعان جانە پوليسياعا دا حابارلاماعان. قىلمىستىق قۇقىق بۇزۋشىلىقتاردان باسقا، قوعامدىق ءتارتىپتى بۇزۋ جانە باسقا دا قۇقىق بۇزۋشىلىق دەرەكتەرى بار. بۇل جانجال تۋدىرىپ، قىلمىس جاساۋعا جاعداي تۋعىزادى. پوليسەيلەر اتالعان قۇقىق بۇزۋشىلىقتار ءۇشىن 200-دەن استام ادامدى اكىمشىلىك جاۋاپكەرشىلىككە تارتتى.
ويىن-ساۋىق مەكەمەلەرىنە ازاماتتاردىڭ قاۋىپسىزدىگى ءۇشىن قوسىمشا شارالار قابىلداۋ، قاۋىپسىزدىكتى كۇشەيتۋ، كەلۋشىلەرمەن پروفيلاكتيكالىق ءىس-شارالاردى ۋاقتىلى جۇرگىزۋ، بەينەباقىلاۋ كامەرالارىن 100% ورناتۋ جانە باسقا دا ءبىرقاتار شارالاردى جۇرگىزۋ تاپسىرىلدى. ءوز كەزەگىندە پوليسەيلەر مۇنداي ورىنداردى ارالاپ، ءاربىر قۇقىقبۇزۋشىلىققا دەرەۋ دەن قويىپ، كىنالىلەردى جاۋاپكەرشىلىككە تارتۋ شارالارىن قولعا الىپ جاتىر. جالپى ۆەدومستۆوارالىق كەڭەستىڭ قورىتىندىسى بويىنشا قۇقىق بۇزۋشىلىقتىڭ الدىن الۋعا باعىتتالعان ءبىرقاتار ناقتى تاپسىرمالار بەرىلدى.