الماتى قالاسى جەتىسۋ اۋدانى پوليسياسىنىڭ مالىمەتىنشە، ول ءىرى كولەمدە اقشا ۇرلاعان.
پوليسياعا كابەلدى ساتۋمەن اينالىساتىن كومپانيانىڭ وكىلى ارىزدانعان. ونىڭ كولىگىنەن 23 ميلليون تەڭگە سالىنعان سومكە جوعالىپ كەتكەن، دەپ حابارلايدى aqshamnews.kz Polisia.kz-كە سىلتەمە جاساپ.
-ەر ادامنىڭ ايتۋىنشا، ول كولىگىن از ۋاقىتقا قالدىرىپ كەتكەن. قايتا ورالعان كەزدە كولىك اينەگىنىڭ سىنعانىن جانە سومكەنىڭ جوعالعانىن كورگەن. بۇل قىلمىستى اشۋ ماقساتىندا ارنايى جەدەل-تەرگەۋ توبى قۇرىلدى. بەينەجۇيەلەردىڭ كومەگىمەن جابىرلەنۋشىنىڭ ارەكەتىنىڭ حرونولوگياسى قالپىنا كەلتىرىلىپ، كۇدىكتىنىڭ جابىرلەنۋشىنىڭ سوڭىنان ەرىپ، بوتەننىڭ مۇلكىن ۇرلاۋ ءۇشىن قولايلى ءساتتى كۇتىپ جۇرگەندىگى انىقتالدى. تەرگەۋدىڭ ءبىر نۇسقاسى بويىنشا، قاسكوي بىرەۋدىڭ ايتۋىمەن ارەكەت ەتكەن بولۋى مۇمكىن. ءىس مۇقيات تەكسەرىلىپ جاتىر، — دەدى جەتىسۋ اۋدانى پوليسيا باسقارماسىنىڭ باستىعى جانىبەك شىناسىلوۆ.
ءموبيلدى بولۋ ءۇشىن جانە دۋلىعا استىندا بايقالماۋ ءۇشىن كۇدىكتى موپەدكە مىنگەن. الايدا جەدەل ۋاكىلدەر ونى تەز ارادا انىقتاپ، ۇستادى.
– ۇرلىق بولعان كۇننىڭ كەلەسى كۇنى كۇدىكتى ايەلىمەن بىرگە ۇرلانعان كۋپيۋرالاردى دوللارعا ايىرباستاعان. بۇل دەرەكتە بەينەباقىلاۋ كامەرالارىنا ءتۇسىپ قالعان. ءقازىر كۇدىكتى ۇستالىپ، قاماۋعا الىندى. وسى دەرەك بويىنشا سوتقا دەيىنگى تەرگەۋ جالعاسۋدا، – دەدى جانىبەك شىناسىلوۆ.