اباي اتىنداعى قازاق ۇلتتىق وپەرا جانە بالەت تەاترى ءۇشىن، بيىل مەرەيلى جىل – قارا شاڭىراق ءوزىنىڭ 90-شى ماۋسىمىن جارىق كورگەنىنە 80 جىل تولعان احمەت جۇبانوۆ-لاتيف ءحاميديدىڭ «اباي» وپەرالىق سپەكتاكلىمەن اتاپ وتەدى.
ونەر ورداسى ايتۋلى مەرەكەنى 28 قىركۇيەكتە ساعات 15:00-دە جۇزدەن استام ارداگەرىن ماراپاتتاۋدان باستايدى. ارداقتى ازاماتتارىن قىزىل كىلەم توسەپ قارسى الاتىن ۇجىم، مەرەيلى جىلدار بويى ءومىرىن اسقاق ساحناعا، شىعارماشىلىققا، تەاترعا قىزمەت ەتۋگە ارناعان ادال جاندارعا ارنايى توسبەلگى جانە سىيلىق تابىستايدى.
مەرەكەلى شاراعا اسىلدىڭ تۇياقتارى قازاق كسر حالىق ءارتىسى راۋشان حاتيات قىزى بايسەيىتوۆا جانە قازاق كسر حالىق ءارتىسى باقىت ءاشىموۆانىڭ ۇرپاعى قاتىسىپ، ءقادىرلى قوناقتارىمىز اباي اتىنداعى تەاتر مۇراجايىنا تاريحي قۇندى مۇرا تابىس ەتەدى دەپ كۇتىلۋدە.
ماراپات بارىسىندا ارداگەرلەرىمىزگە شاعىن مۋزىكالىق تارتۋ ۇيىمداستىرىلادى. سالتاناتتى كۇن اقساقالدارىمىزدىڭ احمەت جۇبانوۆ پەن لاتيف ءحاميديدىڭ «اباي» وپەراسىن تاماشالاۋمەن ءتامامدالادى.
اباي اتىنداعى قازاق ۇلتتىق وپەرا جانە بالەت تەاترى وسىلايشا ءوزىنىڭ «عاسىر الدىنداعى جاڭا بەلەسىنە» – 91ء-شى ماۋسىمىنا قۋانىشپەن اياق باسادى.