ۋاقىتشا جەر ءۇستى جاياۋ جۇرگىنشى وتكەلى قۇلجا تراكتىسى بويىمەن «اسپان سيتي» تك ماڭىنا جولايرىعىن سالۋ كەزىندە مەردىگەر ۇيىمنىڭ قارجىسى ەسەبىنەن ورناتىلعان بولاتىن، دەپ حابارلايدى almaty-akshamy.kz
بۇگىندە بۇقتىرما كوشەسى مەن قۇلجا تراكتىسىنىڭ قيىلىسىنداعى جولايرىعى بويىمەن بارلىق باعىتتا كولىك قوزعالىسى اشىق. سونىمەن قاتار، بەكىتىلگەن جوباعا سايكەس بارلىق جاياۋ جۇرگىنشىلەر وتكەلدەرىن جايلاستىرۋ بويىنشا جۇمىستار دا ورىندالدى.
قۇلجا تراكتىسى بويىنشا وڭتۇستىك جانە سولتۇستىك بولىكتەرىندە جاياۋ جۇرگىنشىلەر قوزعالىسى №3، 4 سەزدەر ارقىلى ەستاكادانىڭ استىنداعى «زەبرا» بويىمەن جۇزەگە اسىرىلادى.
جولايرىعى شەگىندە جاياۋ جۇرگىنشىلەر قوزعالىسى وڭ جاق سەزدەر بويىنداعى تروتۋارلار بويىنشا جۇزەگە اسىرىلادى- قالا تۇرعىندارىنىڭ ءقاۋىپسىز قوزعالىسى جوبا بويىنشا قامتاماسىز ەتىلەدى. سوندىقتان، جوباعا سايكەس، ۋاقىتشا جەر ءۇستى جاياۋ جۇرگىنشىلەر وتكەلى ءسۇرىلدى.
