الماتىدا قۇلجا تاس جولىنداعى قايتا قۇرۋ جۇمىستارى مەرزىمىنەن بۇرىن اياقتالادى

الماتىدا قۇلجا تاس جولىندا اسفالتتىڭ جوعارعى قاباتى توسەلەدى، وسىعان بايلانىستى ەكى تاۋلىككە كولىك قوزعالىسى شەكتەلەدى، دەپ حابارلايدى aqshamnews.kz

قۇلجا تاس جولىندا رىسقۇلوۆ داڭعىلىنان بۇقتىرما كوشەسىنە دەيىنگى اۋماقتاعى جولدى قايتا جاڭارتۋ جۇمىستارى اياقتالۋعا جاقىن. قالالىق موبيلدىلىك باسقارماسى 14 قىركۇيەكتە بارلىق جولاق بويىنشا كولىك قوزعالىسىن تولىعىمەن اشۋدى جوسپارلاپ وتىر.

الايدا اسفالتبەتون توسەمىنىڭ جوعارعى قاباتىن توسەۋگە بايلانىستى كولىك قوزعالىسىنا ۋاقىتشا شەكتەۋ ەنگىزىلەدى.

• 11 قىركۇيەك ساعات 23:00-دەن 12 قىركۇيەك ساعات 06:00-گە دەيىن جوندەۋ جۇمىستارى جۇرگىزىلەتىن اۋماقتىڭ باتىس جاعىندا قوزعالىس جابىلادى. وبلىستان قالاعا كەلگەندە بۇل جەردى تالعار تاس جولى، بۇقتىرما، مايلين جانە پريكانالنايا ۇاك كوشەلەرى ارقىلى اينالىپ وتۋگە بولادى.

• 12 قىركۇيەك ساعات 06:00-دەن 21:00-گە دەيىن شىعىس جاقپەن جول جۇرۋگە بولادى، سول جەردە ريەۆەرسيۆتى قوزعالىس ۇيىمداستىرىلادى.

• 12 قىركۇيەك ساعات 23:00-دەن 13 قىركۇيەك ساعات 06:00-گە دەيىن جوندەلىپ جاتقان بولىكتىڭ شىعىس جاعىندا قوزعالىس جابىلادى. قالادان وبلىسقا شىققاندا تالعار تاس جولى، رىسقۇلوۆ داڭعىلى جانە پريكانالنايا ۇاك كوشەلەرى ارقىلى اينالىپ وتۋگە بولادى.

• 13 قىركۇيەك ساعات 06:00-دەن 14 قىركۇيەك ساعات 06:00-گە دەيىن باتىس جاقپەن جۇرۋگە بولادى، ول جەردە ريەۆەرسيۆتى قوزعالىس ۇيىمداستىرىلادى.

14 قىركۇيەك ساعات 06:00-دەن باستاپ جول تولىقتاي اشىلادى، ءار باعىتتا 3 جولاق بولادى.

جوندەلگەن ۋچاسكەدە ەكى جاقتى قوزعالىس تۋرالى ەسكەرتۋ بەلگىلەرى ورناتىلادى. جولاقتار جارىق شاعىلىستىرعىش كونۋستارمەن بولىنەدى.

ەستەرىڭىزگە سالا كەتەيىك، جوبا اياسىندا ۇزىندىعى 2،3 كم ۋچاسكەدە جولاقتار سانىن 4-تەن 6-عا دەيىن كەڭەيتۋ جوسپارلانعان. بۇل ۋچاسكەنىڭ وتكىزۋ قابىلەتىن ەكى ەسەگە ارتتىرۋعا مۇمكىندىك بەرەدى. سونىمەن قاتار، جول جيەكتەرىنە توسقاۋىل قورشاۋلارى، جارىقتاندىرۋ تىرەكتەرى ورناتىلادى، ال ەكى جاعىنان ەنى 2-دەن 3 مەترگە دەيىنگى تروتۋارلار سالۋ جۇمىستارى جالعاسادى.

ەستەرىڭىزگە سالا كەتەيىك، قوزعالىستى شەكتەۋگە قاتىستى بارلىق اقپارات Almaty.kz سايتىندا، @AlmatyJoly Telegram ارناسىندا، اۋداندىق اكىمدىكتەر مەن باسقارمالاردىڭ الەۋمەتتىك جەلىلەرىندە، سونداي-اق 2GIS جانە «ياندەكس كارتالار» سەرۆيستەرىندە جاريالانعان.