«كەلىسىپ پىشكەن تون كەلتە بولمايدى». ەلدىڭ ەرتەڭى مەن بولاشاعىنا قاتىستى ماڭىزدى ماسەلەلەر حالىقتىڭ تالقىسىنا ءتۇسىپ، قوعامنىڭ تالقىلاۋىنان ءوتۋى ءتيىس. سودان كەيىن عانا ماڭىزدى شەشىم قابىلدانادى. اتوم ەلەكتر ستانسياسىن سالۋدى قولداۋ جونىندەگى حالىقتىق شتاب مۇشەلەرى تۇركىستان وبلىسىنىڭ مادەنيەت سالاسى وكىلدەرىمەن كەزدەسۋىندە وسىنداي پىكىر ءبىلدىردى.
دوڭگەلەك ۇستەلگە قاتىسۋشىلار بۇل ءبىزدىڭ قوعامدا جاڭا ساياسي مادەنيەت قالىپتاسقانىنىڭ كورىنىسى ەكەنىن اتاپ ءوتتى. شتاب مۇشەلەرى ەلەكتر ەنەرگياسىنىڭ تاپشىلىعى بۇگىندە ەلىمىزدىڭ وڭتۇستىك وڭىرلەرىندە ەرەكشە سەزىلىپ وتىرعانىن جەتكىزدى. مامانداردىڭ ايتۋىنشا، وتكەن جىلدىڭ قورىتىندىسى بويىنشا مۇنداعى تاپشىلىق ساعاتىنا 3،1 ملرد كۆت قۇراعان. سالىستىرمالى تۇردە ايتساق، ورتاشا ەسەپپەن 100 مىڭ تۇرعىنى بار ءبىر قالا جىلىنا 700 ملن كۆت ەلەكتر ەنەرگياسىن تۇتىنادى ەكەن.
«سوندىقتان كورشى ەلدەرگە تاۋەلدىلىكتەن ارىلۋ ءۇشىن قاجەتتى قۋات كوزىن وزىمىزدە وندىرەتىن اتوم ەلەكتر ستانسياسىن سالۋىمىز قاجەت»، – دەيدى ماماندار.
حالىقتىق شتاب مۇشەسى قايرات بالابييەۆ: «كۇن مەن جارىق – ەڭ الدىمەن حالىققا كەرەك نارسە. قازىرگى ۋاقىتتا ءبىز ەلەكتر قۋاتىن رەسەيدەن جانە ءبىرشاما قىرعىزستاننان الىپ وتىرمىز. شىمكەنت قالاسىنىڭ ونەركاسىبى مەن حالقى تۇتىناتىن ەلەكتر ەنەرگياسىنىڭ جىلدىق قاجەتتىلىگى تولىق قامتاماسىز ەتىلمەگەن. سوندىقتان دا ءبىزدىڭ بولاشاعىمىز مىقتى، مەملەكەتىمىز باي بولۋ ءۇشىن، ءبىز ەلەكتر ەنەرگياسى جاعىنان تاۋەلسىز بولۋىمىز قاجەت»، – دەيدى.