ق ر تاۋەلسىزدىك كۇنىنە وراي گۇل شوقتارىن قويۋ راسىمىنە ەربولات دوسايەۆ قاتىستى
16 جەلتوقساندا قازاقستاندىقتار تاۋەلسىزدىك كۇنىنىڭ 32 جىلدىعىن اتاپ وتۋدە. الماتىدا قالا اكىمى ەربولات دوسايەۆتىڭ، ءماسليحات دەپۋتاتتارى، ارداگەرلەر كەڭەسى، قوعامدىق كەڭەس مۇشەلەرى، 1986 جىلعى جەلتوقسان وقيعالارىنا قاتىسۋشىلاردىڭ، اۋعان سوعىسى ارداگەرلەرى، قازاقستان حالقى اسسامبلەياسى مۇشەلەرى مەن ەتنومادەني بىرلەستىكتەر، قالانىڭ جاستار ۇيىمدارى وكىلدەرىنىڭ قاتىسۋىمەن «تاۋەلسىزدىك» مونۋمەنتىنە گۇل شوقتارىن قويۋ ءراسىمى ءوتتى.
سالتاناتتى ءراسىم بارىسىندا قاتىسۋشىلار جەلتوقسانشىلاردى مەترونومنىڭ ۇنىمەن ءبىر مينۋت ۇنسىزدىكپەن ەسكە الدى.
سالتاناتتى ءراسىم الماتى وڭىرلىك گارنيزونىنىڭ اسكەري-ۇرمەلى وركەسترى مەن ساربازدارىنىڭ مەملەكەتتىك ءانۇراندى ورىنداۋىمەن اياقتالدى.
«بارلىق قازاقستاندىقتاردى تاۋەلسىزدىك كۇنىمەن قۇتتىقتايمىن. ءبىز تاۋەلسىزدىككە قالاي قول جەتكىزگەندىگىمىز تۋرالى ءاردايىم ەستە ساقتاپ، كەلەر جاس ۇرپاققا جەتكىزۋىمىز كەرەك. بەيبىت زاماندا ءومىر ءسۇرىپ جاتقان جاستارعا ايتارىم: ءبىلىم الىڭىزدار، سپورتپەن شۇعىلدانىپ، ورتاق ءۇيىمىز – قازاقستاندى بىرگە كوركەيتەيىك»، - دەدى جەلتوقسان وقيعاسىنىڭ ارداگەرى، «ءورشىل رۋح» قوعامدىق بىرلەستىگىنىڭ باسشىسى سەرىك مۇحامەتالين.
«جىل سايىن وسىندا كەلۋ مەن ءۇشىن ۇلكەن مارتەبە. وتكەنى مەن 1986 جىلى وسىندا بولدىم. مۇنىڭ ءبارى مەنىڭ كوز الدىمدا ءوتتى. مەن ءۇشىن بۇل قاسيەتتى مەرەكە، قاسيەتتى كۇن. بۇل ەسكە الۋ كۇنى. تاۋەلسىزدىكتىڭ 32 جىلىندا ءبىز بارلىق سالادا كوپ نارسەگە قول جەتكىزدىك. الەمدىك ارەناداعا تانىلۋ، ديپلوماتيالىق جانە ەكونوميكالىق دەڭگەيدە تانىلۋ. ءبىز ورتالىق ازياداعى ورتالىق ەكونوميكالىق درايۆەرمىز. بۇل كۇن 1986 جىلى العاش رەت تاۋەلسىزدىك تۋرالى ويلاعانىمىزبەن قۇندى»، - دەپ اتاپ ءوتتى قوعامدىق كەڭەستىڭ مۇشەسى، جازۋشى، جازۋشىلار وداعىنىڭ مۇشەسى بەكنۇر كيسيكوۆ.
ەستەرىڭىزگە سالا كەتەيىك، قازىرگى ۋاقىتتا الماتىدا 1986 جىلى جەلتوقسان وقيعالارىنا قاتىسقان 670 ادام تۇرادى. بيىل الماتىدا جەلتوقسان وقيعاسىنا قاتىسۋشىلارعا ءبىرجولعى تولەم 150 مىڭ تەڭگەدەن 250 مىڭ تەڭگەگە دەيىن ۇلعايتىلدى.
تاۋەلسىزدىك كۇنىنە وراي «تاۋەلسىزدىك تاڭى» مونۋمەنتىنە گۇل شوقتارىن قويۋ ءراسىمى 17 جەلتوقسان كۇنى ساعات 11:00-دە وتەدى.