*
*
وقۋعا قاجەتتى قۇجاتتاردى تاپسىرۋ 26 ماۋسىمعا دەيىن جالعاسادى. بۇل تۋرالى وڭىرلىك كوممۋنيكاسيالار قىزمەتىنىڭ بريفينگىندە ق ر پرەزيدەنتى جانىنداعى مەملەكەتتىك باسقارۋ اكادەمياسىنىڭ الماتى قالاسى بويىنشا فيليالىنىڭ ديرەكتورى ايگەرىم ابيلوۆا ايتىپ بەردى، دەپ حابارلايدى اlmaty-akshamy.kz.
مەملەكەتتىك باسقارۋ اكادەمياسى - قازاقستانداعى جۇمىس ىستەپ تۇرعان مەملەكەتتىك قىزمەتشىلەردىڭ كاسىبي دامۋى مەن ءبىلىم الۋىنا جاۋاپتى جالعىز جوعارى وقۋ ورنى. اكادەميا جۇمىسى مەملەكەتتىك اپپارات كادرلارى مەن كاسىبي باسقارۋشىلاردى دايارلاۋعا باعىتتالعان.
«بيىل 6 ماگيسترلىك، 3 دوكتورلىق باعدارلاما بويىنشا جانە وندىرىستەن قول ۇزبەي وقۋعا بولاتىن 2 مودۋلدىك باعدارلاما بويىنشا ۇمىتكەرلەردى قابىلداۋ جۇرگىزىلەدى» - دەدى ايگەرىم ابيلوۆا.
قۇجاتتاردى قابىلداۋ ماگيستراتۋرا باعدارلامالارى بويىنشا جۇزەگە اسىرىلادى:
- ءبىر جىلدىق كۇندىزگى وقۋ – «مەملەكەتتىك باسقارۋ (مرا)»، «ادام رەسۋرستارىن باسقارۋ (MHRM»)، «وڭىرلىك دامۋ (MRD)»؛
- ءبىر جارىم جىلدىق كۇندىزگى وقۋ – «مەملەكەتتىك ساياسات (MPP)»، «ەكونوميكا (ME)»، «حالىقارالىق قاتىناستار (MIR)»؛
- مەملەكەتتىك قىزمەتشى بولىپ تابىلمايتىن تۇلعالار ءۇشىن وندىرىستەن قول ۇزبەي ءبىر جىلدىق مودۋلدىك وقىتۋ: «مەملەكەتتىك باسقارۋ (ەمرا)»، «وڭىرلىك دامۋ (MRD»).
3 جىل وقۋ مەرزىمىمەن دوكتورانتۋراعا قابىلداۋ «مەملەكەتتىك باسقارۋ (DPA)»، «حالىقارالىق قاتىناستار (DIR)»، «ەكونوميكا (DE)» باعدارلامالارى بويىنشا جۇرگىزىلەدى.
وكق سپيكەرىنىڭ سوزىنشە، بيىل مەملەكەتتىك قىزمەتشىلەردى دايارلاۋعا ماگيستراتۋرا بويىنشا 120 گرانت، دوكتورانتۋرا بويىنشا 12 گرانت ءبولىندى.
مەملەكەتتىك تاپسىرىس بويىنشا ءتۇسۋ ءۇشىن مەملەكەتتىك قىزمەتتە كەمىندە ەكى جىل، ماگيسترلىك باعدارلامالار ءۇشىن جانە دوكتورلىق باعدارلامالار ءۇشىن كەمىندە 5 جىل ەڭبەك ءوتىلى بولۋى قاجەت.
مەملەكەتتىك ءبىلىم بەرۋ تاپسىرىسى بويىنشا تۇسۋشىلەر ءۇشىن مىندەتتى تالاپ - مەملەكەتتىك ورگاننىڭ باسشىسى قول قويعان جولداما بولۋى كەرەك.
«MPA - مەملەكەتتىك باسقارۋ» باعدارلاماسىنا نازار اۋدارۋ كەرەك. مۇندا مەملەكەتتىك قىزمەتشىلەردىڭ كەلەسى ساناتتارىنىڭ باسشىلىق لاۋازىمىندا كەمىندە ەكى جىل ءوتىلى بار باسشىلار اراسىنان ۇمىتكەرلەر قابىلدانادى:
- ساياسي مەملەكەتتىك قىزمەتشىلەر، «ا» كورپۋسى، «ب» كورپۋسى (ا-1، ا-2، ا-3، ۆ-1، ۆ-2، ۆ-3، س-1، س-2، س-3، س-و-1، س-و-2، س-و-3، D-1، D-2، D-3، D-و-1، D-O-2، ە-1، ە-2)، قۇقىق قورعاۋ جانە ارنايى مەملەكەتتىك ورگانداردىڭ باسشىلىق لاۋازىمدارى؛
- نەمەسە كۆازيمەملەكەتتىك سەكتوردا نە جەكە سەكتورلاردا كەمىندە ءۇش جىل ەڭبەك ءوتىلى بار تۇلعالار قابىلدانادى.
«حالىقارالىق قاتىناستار - Master of International Relations» ءبىلىم بەرۋ باعدارلاماسىنا تۇسۋگە نيەت بىلدىرگەن ۇمىتكەرلەر ءۇشىن مىناداي تالاپتار قويىلادى:
-ۇمىتكەر ق ر سىرتقى ىستەر مينيسترلىگىنىڭ، نە حالىقارالىق ىنتىماقتاستىق ماسەلەلەرىمەن بايلانىستى ورتالىق مەملەكەتتىك ورگانداردىڭ قۇرىلىمدىق بولىمشەلەرىنىڭ جانە ولاردىڭ اۋماقتىق بولىمشەلەرىنىڭ، جەرگىلىكتى اتقارۋشى ورگانداردا جۇمىس ىستەپ جۇرگەن مەملەكەتتىك قىزمەتشىلەر بولۋى ءتيىس؛
-اتالعان مينيسترلىكتە نەمەسە كورسەتىلگەن قۇرىلىمدىق بولىمشەلەردە مەملەكەتتىك قىزمەتتە كەمىندە ەكى جىل ەڭبەك ءوتىلى بولۋى قاجەت.- اعىلشىن ءتىلىن بىلەتىندىگىن راستايتىن سەرتيفيكات كورسەتكىشى IELTS 4.0 باللدان كەم ەمەس، TOEFL IBT 32 نەمەسە TOEFL ITP (LEVEL 1) 343 باللدان كەم ەمەس، TOEIC 405 باللدان كەم ەمەس، Duolingo English Test 65 باللدان كەم ەمەس بولۋى كەرەك.
دوكتورانتۋرا باعدارلامالارىنىڭ ۇمىتكەرلەرى ءۇشىن:
- IELTS 5.5 باللدان كەم ەمەس، TOEFL IBT 46 نەمەسە TOEFL ITP (LEVEL 1) 460 باللدان كەم ەمەس، TOEIC 550 باللدان كەم ەمەس، Duolingo English Test 95 باللدان كەم ەمەس؛
-research proposal – زەرتتەۋ جۇمىسى جوسپارىنىڭ جوباسىن ۇسىنۋ قاجەت.
سونىمەن بىرگە، اكادەميا فيليالىنىڭ باسشىسى وقۋعا ءتۇسى ەرەجەلەرىندە كەلەسى وزگەرىستەر ەنگىزىلگەنىن ايتتى:
- «حالىقارالىق قاتىناستار»، «مەملەكەتتىك ساياسات» جانە «ەكونوميكا» ەكى جىلدىق باعدارلامالارى بويىنشا وقۋ مەرزىمى ەكى جىلدان ءبىر جارىم جىلعا دەيىن قىسقارتىلدى.
- بيىل «مەملەكەتتىك باسقارۋ» باعدارلاماسىنا قۇقىق قورعاۋ ورگاندارىنان جانە ارنايى مەملەكەتتىك ورگانداردان دا ۇمىتكەرلەر قابىلدانادى.
- قابىلداۋ ناۋقانىنىڭ جالپى مەرزىمى 20 كۇنگە قىسقارتىلدى. قورىتىندى اقپاراتتى 5 تامىزدا جاريالاۋ جوسپارلانىپ وتىر.
- ماگيستراتۋرا باعدارلامالارى ءۇشىن سۇحبات كەزەڭىن باعالاۋدىڭ ۇلەس سالماعى 70%-عا دەيىن جانە دوكتورانتۋرا ءۇشىن 50%-عا دەيىن كوتەرىلدى.
مەملەكەتتىك باسقارۋ اكادەمياسىنا وقۋعا ءتۇسۋ ءۇشىن قاجەتتى قۇجاتتار ءتىزىمى:
- مەملەكەتتىك ورگاننىڭ جولداماسى، مەملەكەتتىك تاپسىرىس بويىنشا وقۋعا تۇسۋگە ۇمىتكەر مەملەكەتتىك قىزمەتشىلەر ءۇشىن؛
- جەكە باسىن كۋالاندىراتىن قۇجاتتىڭ سكانەرلەنگەن نۇسقاسى؛
- جوعارى ءبىلىمى تۋرالى ديپلومنىڭ قوسىمشاسىمەن بىرگە (ماگيستراتۋراعا ءتۇسۋ ءۇشىن)، جوعارى وقۋ ورنىنان كەيىنگى ءبىلىم تۋرالى ديپلومنىڭ قوسىمشاسىمەن بىرگە (دوكتورانتۋراعا ءتۇسۋ ءۇشىن) سكانەرلەنگەن نۇسقاسى.
- مەملەكەتتىك ءتىلدى ءبىلۋ دەڭگەيىن راستايتىن سەرتيفيكاتتاردىڭ ءبىرى - QAZAQ RESMI TEST (https://www.qrt.kz) نەمەسە قازتەست (http://kazakhtest.kz) ۆ1 دەڭگەيىنەن تومەن ەمەس، بۇل تارماقتىڭ شەتەل ازاماتتارىنا قاتىسى جوق.
- MIR، DIR، DPA، DE باعدارلامالارىنا حالىقارالىق سەرتيفيكاتتاردىڭ ءبىرى (IELTS، TOEFL IBT نەمەسە TOEFL ITP، TOEIC، Duolingo English Test)؛
- مەملەكەتتىك قىزمەتشىلەر ءۇشىن-جۇمىس ورنى بويىنشا كادر قىزمەتىمەن راستالعان قىزمەتتىك ءتىزىم؛ وزگە ۇمىتكەرلەر ءۇشىن – ەڭبەك قىزمەتىن راستايتىن قۇجات؛
- دوكتورانتۋرا ءۇشىن - Research proposal (زەرتتەۋ جۇمىسى جوسپارىنىڭ جوباسى) – باعالانادى؛
- ءوتىنىش (ەسق قول قويىلعان).
ايگەرىم ابيلوۆا قابىلداۋ ناۋقانىنىڭ نەگىزگى كۇندەرىنە ەگجەي-تەگجەيلى توقتالدى.
وتىنىمدەردى قابىلداۋ پروسەسى 3 ايعا سوزىلادى، ياعني 1 ساۋىردەن 26 ماۋسىمعا دەيىن جالعاسادى. قۇجاتتار اكادەميانىڭ admission.apa.kz اقپاراتتىق پلاتفورماسىندا ونلاين فورماتتا قابىلدانادى.
ىرىكتەۋدىڭ العاشقى كەزەڭى – اناليتيكالىق ەسسە جازۋ 29 ماۋسىمدا ناقتى ۋاقىت رەجيمىندە وتەدى.
دوكتورانتۋراعا ۇمىتكەرلەر زەرتتەۋ جۇمىسىنىڭ جوسپارىن (Research proposal) 26 ماۋسىمعا دەيىن جۇكتەۋى كەرەك، جوسپارلار 7 شىلدەگە دەيىن باعالانادى.
قورىتىندى كەزەڭ – سۇحبات – 1-20 شىلدە ارالىعىندا اكادەميا قابىرعاسىندا وفلاين فورماتتا وتەدى.
«22 شىلدە كۇنى ارالىق قورىتىندىنى شىعارامىز. الدىن الا قابىلدانعانداردىڭ ءتىزىمى جاريالانادى، ال 5 تامىزدا كەلىسىمشارتتارعا قول قويىلعاننان كەيىن وقۋعا قابىلداۋ تۋرالى بۇيرىق شىعارىلادى»، - دەپ ناقتىلادى ا.ابيلوۆا.
سونداي-اق، 1-30 قاراشا ارالىعىندا مودۋلدىك ماگيستراتۋراعا قوسىمشا قۇجاتتار قابىلداۋدى جوسپارلانىپ وتىرعانىن ايتتى.