8 ءساۋىر كۇنى رەسپۋبليكا بويىنشا «تازا قازاقستان» ەكولوگيالىق اكسياسى باستالدى. ناۋقان 5 اپتاعا سوزىلادى. ءار اپتانىڭ وزىندىك تاقىرىبى مەن ناقتى ماقساتى بولماق، دەپ حابارلايدى اlmaty-akshamy.kz.
ناۋقاننىڭ العاشقى كۇنىنەن 13 ساۋىرگە دەيىن سوزىلاتىن ءبىرىنشى اپتا «تازا ولكە» دەپ اتالادى. باستاپقى جەتى كۇن ىشىندە ەلدىمەكەندەردىڭ تۇرعىندارى، قوعام بەلسەندىلەرى، ۇيىمدار مەن كاسىپورىنداردىڭ قىزمەتكەرلەرى ىرگەلەس اۋماقتار مەن بەلگىلەنگەن اۋلالاردى تازالايدى.
20 ساۋىرگە دەيىن جالعاساتىن ەكىنشى اپتاعا «كيەلى مەكەن» اتى بەرىلەدى. بۇل كۇندەرى تاريحي-مادەني ەسكەرتكىشتەر اۋماعىن اباتتاندىرۋ جۇمىستارى جۇرگىزىلەدى.
27 ساۋىرگە دەيىنگى ءۇشىنشى اپتاعا «جاسىل ايماق» تاقىرىبى قويىلىپ، بۇل اپتالىقتا اعاش كوشەتتەرى وتىرعىزىلادى جانە اعاشتار اكتەلەدى.
«ونەگەلى ۇرپاق» دەپ اتالعان كەلەسى اپتالىق 4 مامىرعا دەيىن جالعاسادى. ايتىلعان كۇندەرى ارداگەرلەر مەن قارتتاردىڭ اۋلالارى تازالانىپ، ولاردى اباتتاندىرۋعا كومەك بەرىلەدى. «ءمولدىر بۇلاق» اتى بەرىلگەن سوڭعى، بەسىنشى اپتادا سۋ ايدىندارى – وزەندەر مەن كولدەردىڭ اينالاسى قوقىستان تازارتىلادى.
اكسياعا ەلىمىزدىڭ وڭىرلەرى قوسىلۋدا. مىسالى، رەسپۋبليكالىق اكسيا الماتى قالاسىندا «الماتى – ءبىزدىڭ ورتاق ءۇيىمىز» جالپىقالالىق ناۋقانى اياسىندا وتەدى. ونىڭ ماقساتى:
- قالا تۇرعىندارى اراسىندا قوعامدىق مادەنيەت دەڭگەيىن ارتتىرۋ؛
- قالالىق مۇلىككە ۇقىپتى قاراۋعا ۇيرەتۋ؛
- قوعامدىق ورىندارداعى دورەكىلىك پەن قوعامعا جات تەرىس مىنەز-قۇلىققا توسقاۋىل قويۋ؛
- ۆانداليزمگە قارسى قوعامدىق سانا تاربيەلەۋ؛
يگى باستاما اياسىندا قازاقستاندىقتار ىنتىماق پەن ءوزارا كومەككە ۇيرەتەتىن، جاقسى قاسيەتتەردى ناسيحاتتايتىن قايىرىمدىلىق جانە مادەني ءىس-شارالار وتەدى.