الماتىدا اكىمدىكتەردىڭ لاۋازىمدى تۇلعالارى زاڭسىز قوقىس تاستاعانى ءۇشىن جازالاندى، - دەپ حابارلايدى اqshamnews.kz.
مونيتورينگ بارىسىندا تابيعات قورعاۋ پروكۋراتۋراسى قالا اۋماعىندا 30-دان استام رۇقسات ەتىلمەگەن قوقىس ۇيىندىلەرىن انىقتادى.
"قازاقستان رەسپۋبليكاسىنداعى جەرگىلىكتى مەملەكەتتىك باسقارۋ جانە ءوزىن-وزى باسقارۋ تۋرالى" زاڭ تالاپتارىنا سايكەس اۋدان اكىمدەرىنە اباتتاندىرۋ جۇمىستارىن ۇيىمداستىرۋ مىندەتى جۇكتەلگەن.
قالدىقتاردى باسقارۋ بويىنشا ەكولوگيالىق تالاپتاردى بۇزعانى ءۇشىن اكىمشىلىك قۇقىق بۇزۋشىلىق تۋرالى كودەكسىنىڭ 344-بابى 3 جانە 5-بولىكتەرى بويىنشا مەدەۋ جانە تۇركسىب اۋداندارى اكىمدەرىنىڭ ورىنباسارلارى، سونداي-اق الاتاۋ اۋدانى اكىمى اپپاراتىنىڭ باسشىسى اكىمشىلىك جاۋاپتىلىققا تارتىلدى.
قابىلدانعان شارالار ارقىلى اكىمدىكتەر، انىقتالعان قوقىس تاستايتىن جەرلەردى جويۋ جۇمىستارىن جۇرگىزدى.
قالادا ەكولوگيالىق ءتارتىپتىڭ ساقتالۋىن باقىلاۋ جالعاسىپ جاتىر.
الماتىدا قوقىستى زاڭسىز تاستاعان شەنەۋنىكتەر جازالاندى
- 13:34، 16 شىلدە 2025
©Shutterstock/Fotodom