اعىمداعى جىلدىڭ 30 ءساۋىرى «تازا قازاقستان» رەسپۋبليكالىق ەكواكسياسىنىڭ «ونەگەلى ۇرپاق» تاقىرىپتىق اپتالىعى مەن «الماتى – ءبىزدىڭ ورتاق ءۇيىمىز» قالالىق كامپانيانىڭ اياسىندا «قوقىستى كوفە/سنەككە ايىرباستا» اكسياسى وتۋدە.
اكسيا باستالعالى بەرى، 15 ساۋىردەن 29 ءساۋىردى قوسا العاندا، الماتىلىقتار ەكى توننادان استام (2 148 كگ) قايتالاما شيكىزات وتكىزىپ، 1354 كۋپون الدى. اكسيا 2024 جىلعى 8 مامىرعا دەيىن وتەدى جانە قالدىقتارمەن بايلانىستى ماسەلەلەر مەن ولاردى قايتا وڭدەۋدىڭ ماڭىزدىلىعى تۋرالى حاباردار بولۋعا باعىتتالعان.
اكسياعا الماتى قالاسىنىڭ بارلىق تۇرعىندارى مەن قوناقتارى قاتىسا الادى. قاتىسۋشىلارعا ماكۋلاتۋرا، پلاستيكالىق بوتەلكەلەر، اليۋمينيي بانكالار، شىنى بوتەلكەلەردى قوسا العاندا، قايتا وڭدەۋ ءۇشىن ءوز بەتىنشە بەلگىلى ءبىر مولشەردە قايتالاما شيكىزات جيناۋ ۇسىنىلادى.
جينالعان ماتەريالدار قايتالاما شيكىزاتتى قابىلداۋ پۋنكتتەرىنە كەلەسى مەكەنجايلار بويىنشا تاپسىرىلادى.
قابىلداۋ پۋنكتتەرى
- الاتاۋ اۋدانى، Ecosen، نۇركەنت شاعىناۋدانى، 7/1
- المالى اۋدانى، Ecosen، بايزاقوۆ كوشەسى، 73/1
- اۋەزوۆ اۋدانى، Kazakhstan Waste Recycling، 8ء-شى شاعىناۋدان، 58ا
- اۋەزوۆ اۋدانى، Kazakhstan Waste Recycling، اكساي-3 ش/ا، 1ا/1
- بوستاندىق اۋدانى، Kazakhstan Waste Recycling، تيميريازيەۆ كوشەسى، 81/3، دۇڭگىرشەك
- بوستاندىق اۋدانى، Ecosen، روزىباقييەۆ كوشەسى، 247/3
- مەدەۋ اۋدانى، Kazakhstan Waste Recycling، سامال-1 ش/ا، 32-دۇڭگىرشەك
- مەدەۋ اۋدانى، Hello Eco ەكوتاۋارلار دۇكەنى، سامال-2 ش/ا، 56ا ءۇي
- جەتىسۋ اۋدانى، قازىبايەۆ كوشەسى، 264ا (كارينا Trading)
- ناۋرىزباي اۋدانى، رايىمبەك داڭعىلى، 548/2
- تۇركسىب اۋدانى، جاس قانات ش/ا، 1/28
ءار ماتەريال ءۇشىن كۋپوننىڭ بەس ءتۇرى ۇسىنىلادى: پيسسا، بۋرگەر، كوفە، دونەر جانە دودستەر كۋپونى. بەرىلگەن ءاربىر كۋپوننىڭ وسى ناۋقانعا قاتىساتىن تاماقتانۋ ورىندارىنىڭ مەكەنجايلارى بار ءوزىنىڭ بىرەگەي پروموكودى بولادى.
قاتىسۋشىلار قايتالاما شيكىزاتتى كەلەسى شارتتارمەن كۋپوندارعا ايىرباستاي الادى:
- 2 كگ ماكۋلاتۋرا (قاعاز، كارتون) بالمۇزداق كۋپونىنا؛
- 1 كگ پلاستيكالىق بوتەلكەلەر (پەت بوتەلكەلەرى) بۋرگەر كۋپونىنا؛
- 1 كگ اليۋمينيي بانكالار دونەر كۋپونىنا؛
- 3 كگ ءمولدىر شىنى (ءتۇسسىز) بوتەلكەلەر كوفە كۋپونىنا.
كۋپونداردىڭ جارامدى مەرزىمى – 2024 جىلدىڭ 8 مامىرىنا دەيىن. اكسيانىڭ سەرىكتەستەرى Salam Bro، Dodo pizza، Gippo، Degirmen، Zheka’s ice كومپانيالارى بولىپ تابىلادى.