بۇدان بۇرىن سۋ تاسقىنى جايلى جالعان اقپارات تاراتقاندارعا ايىپپۇل سالىنعانىن حابارلاعانبىز.
ءىىم وزدەرىن مەملەكەتتىك قىزمەتكەرلەر دەپ تانىستىرىپ، ەل ازاماتتارىنا تەلەفون سوعاتىن الاياقتاردىڭ جاڭا سحەماسى تۋرالى ايتتى، دەپ حابارلايدى Almaty-akshamy.kz
ق ر ءىىم رەسمي وكىلى شىڭعىس الەكەشيەۆتىڭ ايتۋىنشا، سوڭعى كەزدەرى وتەماقى تولەۋگە ۇمىتتەنگەن ازاماتتارعا مەملەكەتتىك ورگاننىڭ اتىنان الاياقتار قوڭىراۋ شالىپ، ادامنىڭ اپاتتان زارداپ شەككەندەر تىزىمىندە ەكەنىن راستايتىن SMS-حابارلامانىڭ كودىن تالاپ ەتۋ جاعدايلارى جيىلەپ كەتكەن.
"شىن مانىندە، بۇل كودتىڭ ارقاسىندا الاياقتار جابىرلەنۋشىنىڭ اتىنا ءىرى كولەمدە نەسيە راسىمدەي الادى، ويتكەنى مەملەكەتتىك ورگاندار مەن بانكتەردىڭ قىزمەتكەرلەرى ەشقاشان تەلەفون ارقىلى قۇپيا اقپاراتتى تالاپ ەتپەيدى. جابىرلەنۋشىلەرگە وتەماقى تولەۋ ماسەلەلەرى تەك رەسمي تۇردە: جەكە بارعان كەزدە نەمەسە رەسمي ۆەب-رەسۋرستاردى پايدالانا وتىرىپ شەشىلەدى"، - دەدى شىڭعىس الەكەشيەۆ ورتالىق كوممۋنيكاسيالار قىزمەتىندە وتكەن بريفينگتە.
وسىعان بايلانىستى ىشكى ىستەر مينيسترلىگى: جەكە دەرەكتەرىڭىزدى، دەرەكتەمەلەرىڭىزدى، جارامدىلىق مەرزىمىن، بانك كارتاسىنىڭ ءۇش تاڭبالى كودتارىن ەشكىمگە جاريا ەتپەۋدى العا تارتادى. سونىمەن قاتار، SMS جانە كودتىق قۇپيا ءسوز تۇرىندە الىنعان كودتاردى ەشكىمگە ايتپاۋعا كەڭەس بەرەدى.
"سونىمەن قاتار كۇماندى سىلتەمەلەردى باسۋعا بولمايدى، ويتكەنى ءسىز تەلەفونىڭىزعا الاياقتارعا يەسىنىڭ اتىنان بانك وپەراسيالارىن جۇرگىزۋگە مۇمكىندىك بەرەتىن ءقاۋىپتى ۆيرۋس جۇقتىرۋىڭىز مۇمكىن. پوليسەيلەر قىراعى بولۋدى، قۇپيا دەرەكتەرىڭىزدى ساقتاۋدى جانە تەك رەسمي اقپارات كوزدەرىنە سەنۋدى ۇسىنادى"، - دەپ قوستى شىڭعىس الەكەشيەۆ.