اكسيا «ءالماتى-بىزدىڭ ورتاق ءۇيىمىز» ناۋقانى اياسىندا وتكىزىلۋدە
قالادا باستالعان «الماتى - ءبىزدىڭ ورتاق ءۇيىمىز» ناۋقانى اياسىندا «قوقىستى كوفەگە/سنەك ايىرباستا» اكسياسى وتەدى، دەپ حابارلايدى اlmaty-akshamy.kz.
اكسيانى وتكىزۋ مەرزىمى: 2024 جىلعى 15 ءساۋىر - 8 مامىر.
«قوقىستى كوفەگە/سنەك ايىرباستا» - بۇل قالا تۇرعىندارىن سىيلىق كۋپوندارىنىڭ ورنىنا قايتالاما شيكىزاتتى جيناۋعا جانە قايتا وڭدەۋگە تاپسىرۋعا ىنتالاندىراتىن ەكولوگيالىق باستاما. اكسيا قالدىقتارمەن بايلانىستى ماسەلەلەر جانە ولاردى قايتا وڭدەۋدىڭ ماڭىزدىلىعى تۋرالى حاباردار بولۋعا باعىتتالعان.
اكسياعا الماتى قالاسىنىڭ بارلىق تۇرعىندارى مەن قوناقتارى قاتىسا الادى. قاتىسۋشىلارعا ماكۋلاتۋرا، پلاستيكالىق بوتەلكەلەر، اليۋمينيي بانكالار، شىنى بوتەلكەلەردى قوسا العاندا، قايتا وڭدەۋ ءۇشىن بەلگىلى ءبىر مولشەردە قايتا وڭدەۋگە ارنالعان شيكىزاتتى ءوز بەتىنشە جيناۋ ۇسىنىلادى.
جينالعان ماتەريالدار قايتالاما شيكىزاتتى قابىلداۋ پۋنكتتەرىنە كەلەسى مەكەنجايلار بويىنشا تاپسىرىلادى:
|
№ |
اۋدان |
قابىلداۋ پۋنكتتەرى |
مەكەنجايى |
|
1 |
الاتاۋ |
Ecosen |
نۋركەنت ش/ا، 7/1 |
|
2 |
المالى |
Ecosen |
بايزاقوۆ كوش، 73/1 |
|
3 |
اۋەزوۆ |
Kazakhstan Waste Recycling |
8-ي ش/ا، 58ا |
|
4 |
اۋەزوۆ |
Kazakhstan Waste Recycling |
اكساي-3 ش/ا، 1ا/1 |
|
5 |
بوستاندىق |
Kazakhstan Waste Recycling |
تيميريازيەۆ كوش، 81/3 كيوسك |
|
6 |
بوستاندىق |
Ecosen |
روزىباكييەۆ كوش، 247/3 |
|
7 |
مەدەۋ |
Kazakhstan Waste Recycling |
سامال-1، 32 كيوسك
|
|
8 |
مەدەۋ |
ەكو-توۆارلاردىڭ «Hello Eco» دۇكەنى |
سامال-2، 56ا ءۇيى |
|
9 |
جەتىسۋ |
قابىلداۋ پۋنكتى |
قازىبايەۆ كوش، 264ا (كارينا Trading) |
|
10 |
ناۋرىزباي |
قابىلداۋ پۋنكتى |
رايىمبەك داڭعىلى، 548/2 |
|
11 |
تۇركسىب |
قابىلداۋ پۋنكتى |
جاس كانات ش/ا، 1/28 |
ءار ماتەريال ءۇشىن كۋپوننىڭ بەس ءتۇرى ۇسىنىلادى: پيسسا كۋپونى، بۋرگەر، كافە، دونەر جانە دودستەر. بەرىلگەن ءاربىر كۋپوننىڭ وسى ناۋقانعا قاتىساتىن تاماقتانۋ ورىندارىنىڭ مەكەنجايلارى بار ءوزىنىڭ بىرەگەي پروموكودى بولادى.
قاتىسۋشىلار قايتا وڭدەلەتىن زاتتاردى كەلەسى شارتتارمەن كۋپوندارعا ايىرباستاي الادى:
- كوفە كۋپونىنا 2 كگ ماكۋلاتۋرا (قاعاز، كارتون)؛
- بۋرگەر كۋپونىنا 1 كگ پلاستيكالىق بوتەلكەلەر (پەت بوتەلكەلەرى)؛
- دونەر نەمەسە دودستەر كۋپونىنا 1 كگ اليۋمينيي بانكا؛
- پيسسا كۋپونىنا 3 كگ ءمولدىر شىنى (ءتۇسسىز) بوتەلكەلەر.
كۋپونداردىڭ جارامدى مەرزىمى 2024 جىلدىڭ 8 مامىرىنا دەيىن. اكسيانىڭ سەرىكتەستەرى «Salam Bro»، «Dodo pizza»، «Gippo»، «Degirmen» كومپانيالارى بولىپ تابىلادى.