الماتى قالاسىنىڭ اۋەجايىنداعى جەلىلىك پوليسيا ءبولىمىنىڭ قىزمەتكەرلەرى الماتى – دۋباي، الماتى – پراگا جانە الماتى – گونكونگ حالىقارالىق باعىتتارى بويىنشا اۋەجايداعى ۋاقىتشا ساقتاۋ قويماسى اۋماعىندا ۇرلىقپەن اينالىسقان 29 جاستاعى ازاماتتىڭ قىلمىستىق ارەكەتىنىڭ جولىن كەستى.
ۇستالعان ازامات اۋەجايدىڭ ۋاقىتشا ساقتاۋ قويماسىندا جۇك تيەۋشى بولىپ جۇمىس ىستەپ ءجۇرىپ، وسى جىلدىڭ قاڭتار-ناۋرىز ايلارى ارالىعىندا جالپى سوماسى 7 645 371 تەڭگە قۇرايتىن مۇلىكتى ۇرلاعان، دەپ حابارلايدى اlmaty-akshamy.kz.
كولىك پوليسەيلەرىمەن جەدەل تارتىپتە ۇرلىق فاكتىسى بويىنشا سوتقا دەيىنگى تەرگەپ-تەكسەرۋ جۇرگىزۋى بارىسىندا زاتتاي دالەلدەمەلەر تاركىلەندى.
الماتى قالاسى تۇركسىب اۋداندىق سوتىنىڭ ۇكىمىمەن قۇقىق بۇزۋشى بارلىق اۋىر فاكتىلەر بويىنشا كىنالى دەپ تانىلىپ، وعان 3 جىل 6 ايعا باس بوستاندىعىنان ايىرۋ جازاسى تاعايىندالدى.
ءوز كەزەگىندە، ەلىمىزدىڭ اۋە كولىگى قىزمەتتەرىن پايدالاناتىن ازاماتتارعا جەكە زاتتارىنا قىراعى بولۋدى، ساقتىق شارالارىن ساقتاۋدى، قۇقىق بۇزۋشىلىق انىقتالعان جاعدايدا قۇقىق قورعاۋ ورگاندارىنا دەرەۋ حابارلاۋدى تاعى دا ەسكە سالامىز.