قالا جاستارىن جۇمىسقا ورنالاستىرۋ ءۇشىن المالى اۋدانىندا مانساپ كۇنءى ءوتتى
الماتى قالاسىنىڭ المالى اۋدانىندا جوعارى وقۋ ورىندارى مەن كوللەدجدەردىڭ تۇلەكتەرىن، سونداي-اق قالانىڭ جۇمىسسىز جاستارىن جۇمىسقا ورنالاستىرۋعا باعىتتالعان Almaly Career Day مانساپ كۇنى ءوتتى.
ءىس-شارانى الماتى قالاسى جاستار ساياساتى باسقارماسى ۇيىمداستىرىپ، قالانىڭ ءار اۋدانىندا 8 مانساپ كۇنىن وتكىزەدى.
ءىس-شاراعا المالى اۋدانى اكىمى شامشين ارمان نۇرجان ۇلى جانە جاستار ساياساتى باسقارماسىنىڭ باسشىسى مەندىعالييەۆ قايىرجان ەرمەك ۇلى قاتىستى.
«بۇگىندە اۋداندا 14 پەن 35 جاس ارالىعىنداعى 83 مىڭنان استام (83407) جاس تۇرادى، ونىڭ ىشىندە NEET جاستارىنىڭ ۇلەسى 4،7 مىڭ (5،6%) قۇرايدى. جاستاردى جۇمىسپەن قامتۋ – ولاردىڭ ەڭبەك نارىعىنا تابىستى ينتەگراسيالانۋىن جانە ءوڭىردىڭ الەۋمەتتىك دامۋىن قامتاماسىز ەتۋ جولىنداعى ءبىز ءۇشىن ماڭىزدى تاقىرىپ. مۇنداي ءىس-شارالاردى وتكىزۋ جاستاردى قولداۋ جانە NEET ساناتىنداعى جاستاردى ازايتۋداعى ماڭىزدى قادام بولىپ تابىلادى»، - دەدى المالى اۋدانىنىڭ اكىمى ارمان شامشين.
ءىس-شاراعا 70-تەن استام (او «BI Group»، او «ForteBank»، او «Kaspi Bank»، او بانك سەنتر كرەديت، او «كازپوچتا» ي ت.س.س.) IT، قارجى، ءبىلىم بەرۋ جانە ت.ب ءارتۇرلى سالاداعى جەتەكشى كومپانيالار جانە 2 مىڭنان استام جاستار قاتىستى. قاتىسۋشىلار اراسىندا بوس جۇمىس ورىندارىن ۇسىنۋعا دايىن ءىرى كورپوراسيالار دا، پەرسپەكتيۆالى ستارتاپتار دا بولدى.
«جاستاردى جۇمىسپەن قامتۋ ءۇشىن قالالىق مانساپ ورتالىعى اشىلىپ، وزەكتى ماماندىقتار بويىنشا قىسقا مەرزىمدى كۋرستار باستالدى. «Jas Almaty» ءموبيلدى قوسىمشاسى ىسكە قوسىلدى. سونىمەن قاتار، قالامىزدىڭ ءار اۋدانىندا 8 كوميۋنيتي-ورتالىق اشىلدى. ءار ورتالىقتا جۇمىسقا ورنالاستىرۋ بويىنشا كونسۋلتانتتار كومەك كورسەتەدى. ءدال وسىنداي مانساپ كۇندەر ءار اۋداندا وتكىزۋ جوسپارلانۋدا. كەلەسى مانساپ كۇنى 10 مامىردا مەدەۋ اۋدانىندا «كوك بازار» ساۋدا اۋماعىندا وتەدى»، - دەدى جاستار ساياساتى باسقارماسىنىڭ باسشىسى قايىرجان مەڭدىعالييەۆ.
ايتا كەتەيىك، مانساپ كۇندەرى - بۇل ۇزدىك كومپانيالار وزدەرىنىڭ بوس جۇمىس ورىندارى مەن دارىندى ماماندار ءۇشىن مۇمكىندىكتەرىن ۇسىناتىن الاڭ. ايدىڭ سوعىنا دەيىن وسىنداي بوس ورىندار جارمەڭكەسى قالامىزدىڭ بارلىق اۋداندارىندا وتەدى.