الماتىدا تۇركسىب اۋدانى، بەكماحانوۆ كوشەسى، 2/16 ءۇي مەكەنجايى بويىنشا ورنالاسقان جيھاز قويماسى ورتەنىپ جاتىر.
ءقازىر الماتى تجد كۇشتەرى مەن قۇرالدارى جوعارى دارەجەلى ءورتتى ءسوندىرىپ جاتىر، دەپ حابارلايدى Almaty-akshamy.kz.
«الدىن الا مالىمەت بويىنشا، قويما ورتكە ورانعان. كورشى قويما ءۇي-جايلارىن قورعاۋ جانە ءورتتى ءسوندىرۋ ءۇشىن ءورت ساپتامالارى ورناتىلدى، ءورت گيدرانتتارىنا سيستەرنالار ورناتىلدى. ءورت سوندىرۋگە ارنالعان ەكى ايماق قۇرىلدى. ءورتتىڭ قويمادا ساقتالعان اعاشقا تارالۋىنا جول بەرىلمەدى»، دەلىنگەن دەپارتامەنت حابارلاماسىندا.