سىبايلاس جەمقورلىققا قارسى ساياسات تۇجىرىمداماسىنىڭ جوباسى تالقىلاندى
«الماتى-ادالدىق الاڭىندا» 2022-2026 جىلدارعا ارنالعان سىبايلاس جەمقورلىققا قارسى ساياسات تۇجىرىمداماسىنىڭ جوباسىن تالقىلاۋ بويىنشا دوڭگەلەك ۇستەل ءوتتى، دەپ حابارلايدى Almaty-akshamy.kz
كەزدەسۋگە «الماتى-ادالدىق الاڭى» جوبالىق كەڭسەسىنىڭ، الماتى قالاسىنىڭ سىبايلاس جەمقورلىققا قارسى قىزمەتىنىڭ وكىلدەرى جانە قوعامدىق پىكىر كوشباسشىلارى قاتىستى.
تالقىلاۋ بارىسىندا تۇجىرىمداما جوباسى تانىستىرىپ، ستراتەگيالىق قۇجاتتىڭ نەگىزگى ەرەجەلەرى ءتۇسىندىرىلدى.
«الماتى-ادالدىق الاڭى» جوبالىق كەڭسەسىنىڭ باسشىسى اينۇر سابيتوۆا پاراساتتى قوعامدى قالىپتاستىرۋ جانە ازاماتتىق قوعامدى سىبايلاس جەمقورلىققا قارسى ءىس-قيمىلعا تارتۋ ماسەلەلەرى كىرەتىن «سىبايلاس جەمقورلىققا قارسى ساياساتتى دامىتۋدىڭ نەگىزگى قاعيداتتارى مەن تاسىلدەرى» اتتى تۇجىرىمدامانىڭ بەسىنشى بولىمىنە باستى نازار اۋداردى.
«بۇكىل قوعامنىڭ كۇش-جىگەرىن بىرىكتىرۋ ارقىلى ءبىز ازاماتتاردىڭ سىبايلاس جەمقورلىققا قارسى جوعارى مادەنيەتىن قالىپتاستىرا الامىز. قوعامدا سىبايلاس جەمقورلىققا مۇلدەم توزبەۋشىلىك قاعيداتى باسشىلىققا الىنۋعا ءتيىس. بۇل سانا مەن مورالدىق ۇستانىمداردىڭ وزگەرۋىنەن، ازاماتتاردىڭ سىبايلاس جەمقورلىققا قارسى يممۋنيتەتىن قالىپتاستىرۋدان كورىنەدى»، - دەپ اتاپ ءوتتى اينۇر سابيتوۆا.
ءىس-شارا سوڭىندا قاتىسۋشىلار وسى ستراتەگيالىق قۇجاتتى جۇزەگە اسىرۋ ماسەلەلەرى بويىنشا ءوز ويلارى جانە يدەيالارىمەن ءبولىستى.
سونىمەن قاتار، اينۇر سابيتوۆا قالا جۇرتشىلىعىنا بارلىق ۇسىنىستاردى adal.com.kz سايتىنا جىبەرۋگە بولاتىنىن ايتتى.